本身我自己婚禮就冇擺好多圍數，唔係大搞，所以就想搵返啲比較有特色嘅酒店場地，咁啱行街嘅時候，就見到 Regal，當時就覺得佢哋嘅場地好理想，樓底唔會太低，非常符合我哋嘅需求，再加上上網睇過少少評語，同埋睇過一啲新人post喺social media嘅相，就已經决定揀Regal Kowloon Hotel！👍

我哋主要都係面談比較多嘅，負責我哋嘅同事係啊 Wing，佢好專業 ，會記得我哋對場地嘅要求，再推薦適合嘅package俾我哋，配套入邊嘅所有service都會仔細细講解，亦都會幫我編排rundown，喺籌備婚禮上好多細節位都會share好多經驗俾我，做起事上来都好有效率。❤️啊Wing真係好細心，好多方面都會主動幫手我followup，例如話package有包括埋花車 ，佢都會提前提醒我哋要上網預訂啦，下一步應該要準備乜嘢，幫輕咗我哋好多，成個溝通過程都非常舒服！🥰

Bigday嗰日，原本我哋就有啲擔心，set場方面會不會好趕，但係Regal好早就會交場俾我哋prepare好啲deco，我哋都有足夠嘅時間去set場！當日Regal都安排咗一位女同事follow住我嘅，佢會幫我整下裙尾，會主動提醒我哋要食啲嘢啊，仲會攞杯橙汁加飲管俾我，咁就唔會整花個妝，跟頭跟尾，全程跟得好足，會照顧一啲細節位，服務非常周到。👰🏻‍♀️婚禮前，佢哋會俾我睇一睇菜單，中途我就想轉去其他菜式，Regal嘅同事都好好，好快就幫我安排我要求嘅菜式，應變能力好快，面對唔同情况都handle得好好！💯💯 當晚婚禮嘅賓客都有feedback話，食物質素好好，每到菜上到枱都係熱辣辣嘅，嘢食都係好味嘅，而且Regal嘅上菜時間control得好好，基本上2個鐘頭就上完 12道菜，呢點我覺得係需要廚房同外場同事合作好多年先會有嘅一個默契，所以婚禮當日我哋都好放心交俾佢哋！🥰 個場地第一眼俾我感覺到，好企理，係我哋想像中要嘅場地，地理位置好啱，場地又有落地玻璃，仲可以見到好特别嘅景色，枱凳啲排位都ok 🤩！好多朋友都覺得場地好靚，同平时一般嘅婚禮場地唔同，Regal 嘅場地唔會四四方方，比較有特色，環境設計都比較young啲，望出去嘅景色同氣氛都係令人好enjoy！

❤️ 當日嘅燈光同埋音響，同事都會事先檢查好啲設備，確保冇問題，最後無論播片或者主持嘅麥都正常發揮。成個婚禮進行得好smooth，所有嘢都in control，冇任何overrun或者插曲。其實Regal嘅policy都好值得我分享，好多方面都可以特別為新人調整，非常人性化，就連開會時間都可以安排喺weekend，會企喺新人嘅角度去諗，遷就返新人嘅時間，仲會幫手我諗好多唔同嘅方案，主動幫我哋解決問題，同每位同事相處落都覺得好舒服，如果有朋友結婚我都會想介紹Regal Kowloon Hotel俾佢哋認識！！💯💯