當時策劃Big Day 嘅時候，認識到梁品製作。當時未諗到deco部分，但係對比其他場地佈置公司，見到梁品製作婚禮佈置嘅風格同效果都比較啱我，所以我哋就揀咗梁品製作。 ☺️ 同佢哋傾策劃Big day 場地佈置嘅時候，都係面對面接觸嚟講啲細節同報價。基本上對佢哋啲同事嘅印象係好好啦，好nice！因為本身放咗工之後，先得閒睇啲design圖，都接近凌晨先覆佢哋，梁品製作嘅同事都覆得好快，覺得佢哋真係好有熱誠！😆

證婚同晚宴嘅Backdrop佢哋都各自俾咗2張圖我揀返我哋鍾意嘅style，但係我哋想要誇張啲同Fancy啲嘅設計，佢哋啲同事都會根據我哋嘅要求不停咁樣去幫我哋改嗰個設計圖，其實已經去到第11個稿，但係佢哋係好有耐心咁entertain我，🥹幫我改到我滿意為止令我哋覺得佢哋真係好用心好俾心機！👍🏻 因為晚宴酒店度有個期限之前就需要我哋交個佈置稿，過一過佢哋嘅approval，梁品製作嘅團隊都有Keep住幫我哋同酒店嗰邊去溝通，連同啲運輸物流上啲嘢就全部都會主動幫我contact，真係好主動積極同埋好有經驗！💯

成個過程我都好放心交俾佢哋處理，我就淨係負責去睇嗰啲設計，佢哋真係好幫到手！我結婚嗰日咁啱就打8號波，未打到8號之前佢哋都好盡心去幫我安排出車，所以都感受到佢哋好重視我哋。🥰 個成品真係好靚，基本上同佢哋畫嗰張圖係一模一樣，成個氛圍嘅設計都好靚，佢哋真係好有經驗！連啲朋友佢哋都覺得我哋婚禮嘅deco好唔同好夢幻，🤩 當日啲賓客都好投入喺整個婚禮嘅氣氛入邊，佢哋嘅decoration整到成件事好match，係我本身想象嘅效果！🥰所以我哋好滿意同埋好開心搵到梁品製作幫我手做deco呢部分。