我阿哥之前婚禮用過香水bar，我同太太就比較傾向想搵返類似嘅互動式回禮禮物，咁啱見到SOVOS都覺得唔錯好吸引。經我哋了解，依家有推出一個最新嘅 Sanitizer Bar，將精油調配入殺菌噴霧，嗰陣都係疫情啱啱好返啲，大家都比較注重清潔，我同太太就諗到呢個幾好，有紀念價值又實用。由於佢哋都係全新推出嘅一個活動，所以就有好多promotion，package就包埋基本嘅deco，價錢都係好合理，基本上一個package有齊曬啲嘢，唔洗再出去搵deco公司。 整個過程都係Jonathan負責follow我哋，佢都好好，Send好多資料俾我了解，又盡量幫我解答啲問題，又好用心聆聽我哋嘅需求，好多細節位都好注意，又好快覆返我message。

對於我嚟講，作為新人都有好多婚禮上嘅嘢需要準備，呢方面Jonathan都可以俾到好多意見我，令我都覺得安心唔少，有位專人一直幫我哋，可以放心交俾佢哋。我哋都有約時間上去workshop一次，主要就揀定啲精油味，精油嘅味道都好多種類，選擇好多。同事會問我啲嘅喜好先，我太太中意偏甜嘅花香味，我就中意清新啲嘅，同事就會幫手搵幾款啱嘅精油出嚟俾我哋聞吓，total我哋就揀6種味嘅精油，到時希望賓客有多啲選擇空間。👍🏼 最令我surprise嘅係，當時Jonathan其實係有event在身，但係知道我哋嚟workshop，都即刻抽時間過嚟serve我哋，幫手我哋揀，我哋都好多謝佢，嗰次我哋上到去真係完全去體驗，冇特别sell我哋。💯

 Bigday當日好早Jonathan就已經帶咗幾位同事一起幫手set up好啲deco，Sanitizer Bar。其實我嘅guest都係來自各個國家，Jonathan都會講解俾啲guest知道呢份禮物除咗係我哋小小心意之外，仲係對抗疫情日常必備。好多賓客都話好特别，好新穎，對於外國朋友嘅接受度其實都幾大。Jonathan同其他同事都幫輕咗我好多，真係完全代表到我哋去welcome啲guest入場，率先為婚宴暖場，賓客同賓客之間嘅互動。❤️ SOVOS嘅deco都係整得好靚，成個好似酒店feel，第一眼就可以catch到我嘅視覺。💕 唯一遺憾就係我嘅budget有限，冇辦法令每位guest都可以攞曬啲禮物，Jonathan反應都幾快，盡量幫到我滿足每位guest，唔會令啲guest有hard feeling。消毒噴霧嘅酒精都係對肌膚溫和，香味又非常持久，更廣泛照顧唔同人士需要，有助隨時隨地做好防疫工作。婚禮上有呢啲調配環節，可以增添現場氣氛，望落又好grand，最緊要費用都ok！Johanthan凡事都係親力親為，幫輕我哋好多，又唔會特别同我哋計較啲費用，好多嘢都盡量幫我哋，配套又冇任何hidden cost，我同太太都好幸運可以搵到SOVOS❤️!