初頭係朋友介紹Starry Bridal俾我，咁啱又喺屋企附近，地理位置好方便，上網見到啲comment都話唔錯。上到去見面嗰陣，吳小姐就負責serve我哋，佢都好nice，唔會淨係hardsell，反而介紹為主，幫我哋爭取好多優惠，溝通過程都好配合我哋，我哋都好放心可以交俾佢。💪🏻

我哋就揀咗喺studio攝影嘅package，studio嘅場景好多，裝修又好靚，好多風格都啱我哋。攝影師會提前了解新人中意嘅元素，清楚我哋嘅喜好，再俾少少idea我哋，盡量配合返新人。🥰 我同太太都好滿意攝影師嘅表現，會主動同我哋傾計，又會俾好多指引lead住我哋擺pose，各方面都好pro，又勁叻氹小朋友，呢樣真係喺我哋意料之外。🤣 拍攝現場都仲有幾位同事一起幫手，我見到佢哋都會互相溝通夾吓啲工作，大家都好合拍，好專業，成個過程都好順利，好快手影曬，過程又冇甩漏。

我哋已經收到電子版嘅相，同預期之中想要嘅效果都係一樣。攝影師有影到我哋想要嘅嘢，好識搵角度，真係影得好warm好有feel！❤️ 最impressed到我嘅係揀衫嗰陣，婚紗都好新淨，選擇又超多，但係Starry Bridal唔會好似出邊公司好多rules，限制新人試衫時間或者數量。我哋可以慢慢搵到自己鍾意嘅款式為止，又有同事可以推介返啱身型嘅款式。先生對整體都好滿意，覺得攝影師拍攝好有技巧，價錢又好合理，服務又夠全面。後期我仲見到佢哋加咗幾個新場景，多咗好多新元素，好為客人著想，可以影到唔同風格嘅相！