透過朋友介紹認識到梁品製作，我之前都有喺網上搵過一啲reference睇吓。除咗價錢上好吸引之外，最主要係佢哋嘅態度好有熱誠，又非常專業，會根據我嘅budget同要求去調整我哋嘅配套，又好積極幫我諗點樣做到我要嘅效果。👍🏻 好多我哋冇諗到嘅細節位，佢哋都會注意到，再提醒我哋，又會喺籌備婚禮上俾到好多意見，幫輕到我哋好多。❤️ 梁品製作非常之好嘅一點係同事會事先同酒店夾好一啲deco嘅安排，例如運輸路線都會安排好曬，再交代俾我哋知，我哋都唔需要再去同其他部門嘅同事溝通。

基本上我哋成個婚禮嘅deco都係由梁品製作負責，一次過交曬俾佢哋。開頭我就已經諗好一啲theme，所以同事就住呢個方向起一個draft俾我哋，而且佢哋仲額外起另一個主題嘅draft俾我哋作為參考，可以有個比較去做選擇。我覺得都幾好，可以有唔同嘅idea做下對比。我前前後後改咗大概3次，每次都好快就可以交到design俾我哋，好有效率。💯 前期過程都好smooth，我最欣賞梁品製作唔一定要新人跟住佢哋嘅template行，反而真係好歡迎新人提出一啲意見或者諗法，例如我嘅 Main backdrop 我就希望可以加返少少澳洲元素，因為我同先生都喺到生活，同事都幫我加咗少少小動物，好得意，勁犀利！🤩

Deco 我就整咗兩個 Backdrop，一個喺 Banquet，另一個就喺 Ceremony嘅，同一個photo table ，包括埋室內外所有裝飾都好靚，好襯我哋成個婚禮。所有deco入邊最有特點嘅就係 Photo Corner，佢哋用咗兩個金屬大框，將圓形嘅相掛在喺上邊，非常獨特，吸引到賓客嘅眼球。🥰 原本酒店額外附送咗一個油畫架俾我哋，係用嚟做welcome board，我哋就需要自備玻璃鏡同埋要寫上一啲歡迎詞。我啲兄弟姐妹話我知，因為當時我好忙，冇時間了解具體情況。梁品製作嘅同事就見到welcome board有啲單調，即場就幫我畫返一啲花花草草做點綴，令整體更加精美。佢哋都冇額外charge我哋，反而真心希望可以幫我哋裝飾得更夢幻，好主動及時提出一啲idea俾新人去做思考。好多guest都話好靚，好warm，又讚啲同事好有心機，我都讚返現場嘅同事。我真係好滿意，係我本身想像中嘅效果，還原度好高！🌟