我之前行街見過 Yes I Do Diamonds，身邊亦都有一啲朋友推介佢哋俾我，所以就喺嗰度揀求婚戒指，揀佢哋主要係因為價錢實惠，同事又非常熱心，推一啲款式俾我哋，又會喺我哋嘅預算範圍入面，幫我哋挑選出一啲我哋鍾意嘅鑽石。每種鑽石嘅特點，類型，大細，同事都會好詳細咁介紹俾我哋，又會幫我搵一啲襯返太太手型嘅款式。同事會一步步guide住我哋要點揀到最合適太太嘅戒指，俾到男士好多幫助。👍

成個過程我都感受到職員對新人嘅幫忙，非常主動積極，好認真聆聽我太太嘅喜好。開頭我就想揀鑽石，不過因為太太鐘意colourful啲，所以同事就推介寶石俾我。同事仲share俾我知，未燒過嘅寶石都係屬於天然嘅石，只係色彩方面可能就冇咁靚，同事都好願意花時間去幫我再搵一啲靚款。雖然寶石價錢相對較高，但係成品真係好好睇，我買咗一個藍寶石，顏色好獨特，好鮮豔，又夠閃。✨

特別想多謝每位服務我哋嘅同事，我同太太對於佢哋嘅服務非常满滿意，提供好多選擇之餘，仲好願意幫新人，為新人提供最實際嘅建議，從介紹中都感受到同事嘅細心。老闆都非常nice，好易相處，同我哋share咗好多關於寶石同埋鑽石嘅投資心得，好開心可以認識到佢。同事做嘢都好有效率，好快我都攞到求婚戒指，戒指戴落好舒服，好fit太太隻手🤩。我同太太最後都喺佢哋嗰度買咗結婚對戒，由一開始買求婚戒指到結婚對戒，同事都保持一個好好嘅態度，又好有耐心，幫輕咗我哋好多 💯 ！