我其實之前都有望過其他公司嘅場地相，不過我覺得Reunion Wedding&Party Venue嘅相真係好吸引我 😍 。佢哋室內設計好有特色，加上佢哋有用假花去做裝飾，襯返嗰場地。最緊要係Reunion Wedding&Party Venue嘅同事非常responsible，好快就會覆到我message，俾回應我，又會解釋得好詳細，呢part我已經好滿意❤️ 。

由於我本人唔喺香港，所以我了解完之後，我老爺奶奶就幫我哋去睇場地，佢哋睇完都話場地好靚，基本上老人家都滿意，我哋就直接落訂喇！🤣 我最驚喜嘅係場地後面係有座山，可以睇到好靚嘅景色 😍 ，到時候啲guest都可以望住嘅靚景傾計。 Bigday前幾日我都有去熟悉下嗰場地，同我睇到嘅相都一樣，還原度好高。😆 咁啱嗰幾日打緊8號風球，同事Cynthia都keep住同我哋溝通，對接好啲嘢，非常有責任心。好好彩Bigday當日，淨係打咗號風球，但係同事都好有心，有早啲到場幫我哋搞掂好啲嘢，感覺對我哋非常上心。💯 成個wedding都非常順利完成，我全日都好緊張同好大壓力，同事都好helpful，會幫我哋手handle好啲流程，rundown方面都冇任何delay。我印象最深刻就係，我哋本身有自備一啲香檳杯，不過就唔夠，佢哋同事就即場攞啲杯出嚟俾我哋，仲幫我洗埋，勁窩心。🥰