其實原先我已經買咗其他公司嘅package，不過咁啱見到 Arlene Wedding嘅相簿好靚，而且同事嘅態度又好親切，知道我哋已經join咗其他公司，都係以介紹為主，冇特别hard sell我哋，仲俾時間我哋考慮清楚。結果我哋第二日就返去Arlene Wedding到join埋佢哋嘅package，其實個package真係好吸引我，一個價錢可以影海外pre wedding，又再送多輯本地嘅，超抵🥰。

我哋就提議咗啲景點俾攝影師，佢哋就負責plan啲行程同埋路線，安排完之後攝影師都會再一齊傾吓我哋想影嘅風格。由於Paris嘅夜晚比較短，所以我哋從凌晨就開始拍攝，當係夜景咁影，都唔會太辛苦，反而好輕鬆。🤣 過程當中，我哋發現攝影師對Paris都幾熟悉，除咗一啲我哋特定嘅景之外，佢都會帶我哋去啲隱藏景點影，真係勁靚，啲景都非常有特色😍，超出我哋嘅預期。

我哋都有喺本地影咗幾個靚景，攝影師都係同一位，相處得好好😚。影夜景嗰陣落咗好大雨，原本我地諗住走嘅，但係攝影師話好有feel，叫我哋可以試吓影，雖然成身濕曬，但係出到嚟嘅效果都唔錯😜。每次拍攝都會有一位化妝師同一位攝影師跟身，佢哋之間嘅默契都好好，會夾定啲時間去補妝同set頭。攝影師又會趁有時間教我哋擺pose，講笑帶動下個氣氛，兩位都非常之pro，會guide住我哋要點做。我哋雖然未收到啲相，但係已經揀好曬，張張相我哋都好鐘意，而且Arlene Wedding嘅服務勁sweet，會執好啲相嘅色tone，再俾啲新人揀，我覺得呢點真係好好！