主要係睇過價錢同comment，覺得Ling姐最適合我哋。其實喺做決定之前，我都有衡量過幾個選擇，最後因為Ling姐回應速度快、態度又專業，所以揀咗Ling姐🥰。喺溝通過程當中，Ling姐俾我嘅印象真係非常好。無論我幾時問佢問題，Ling姐都好快回覆我哋，佢仲會主動打電話嚟解釋一啲細節，驚我哋唔太清楚，呢種即時嘅溝通方式令我哋非常放心，完全唔擔心有任何嘢做漏咗，真係好盡責🥳。 婚禮之前，Ling姐會主動約我哋開會，好詳細咁講解當日要注意嘅細節，提醒我哋應該準備啲咩，或者唔需要準備啲咩，安排得非常好。Ling姐係一個好有計劃嘅人，所有事情都安排得好清楚，唔會臨急臨忙去做，令我哋喺 Big Day之前冇任何壓力😍。

婚禮當日，Ling姐嘅表現真係無得彈。從朝早開始到晚，出門，斟茶，一系列嘅流程， 佢都全程陪住我哋，仲好細心照顧我哋嘅長輩，大家都好開心🤩。Ling姐營造嘅輕鬆氣氛，令整個場面更加愉快。長輩仲讚佢講嘢得體、識得氹人，氣氛變得好融洽，真係減少咗唔少壓力。斟茶嘅時候，Ling姐時間控制得非常好，雖然當日有啲急，但佢都配合得非常好。甚至有啲長輩係夜啲先做到敬茶嗰一部份，Ling姐都特登留到最後， 處理好曬啲嘢先走🥹，呢點真係令我覺得好感動。佢嘅專業精神真係顧全到每一個細節，連長輩都冇投訴。 整體而言，Ling姐真係非常容易相處，亦非常 Nice，心態上又好young，成日都叫我哋唔洗咁緊張，用佢嘅經驗嚟安慰我哋，又有耐心，Ling姐真係成個婚禮中不可或缺嘅一部分💖！