同Arlene Wedding聯絡時，感覺佢哋非常有禮貌。嗰陣時要book影相嘅時間，但因為咁啱好撞正假期，同事就未覆到，令我哋有啲擔心。不過佢哋返工之後就即刻覆返我哋🥰。我哋揀咗香港和沖繩呢兩個拍攝地點。喺揀咩地方拍攝方面，團隊都會俾啲意見我哋，都係一啲好靚嘅地方，唔鍾意都可以改，都好尊重我哋意見🥹。團隊會揀一啲地方唔係咁大路嘅，反而係一啲少啲遊客嘅地方，咁輯相會再特別啲。

我覺得攝影師好專業，影出嚟嘅相都好靚💕。攝影師非常幽默風趣，我男朋友都幾鍾意同佢玩🤣。佢會教我哋擺pose，又會搞氣氛，令我哋唔會咁緊張。同埋佢非常有耐性，由朝早影到夜晚都唔會有厭煩嘅表現。拍攝嘅過程同我哋都會有互動，又會俾啲指示我哋👍。就算當日落雨，團隊都好辛苦，成身都濕曬，但佢哋都好照顧我哋🌟。落雨嘅時候，攝影師提議用遮嚟影相，咁就可以影到其他風格嘅相。一開始覺得落雨有啲可惜，但啲相出到嚟，我哋都好滿意。佢哋又會叫我哋影多幾個地方咁樣，唔會有影完就走嘅感覺。

喺Arlene Wedding到試婚紗嘅時候，同事態度都好好。因為我哋去沖繩，都想輕便少少，唔想帶啲拖尾嘅款，同事都有俾一啲容易郁動嘅款俾我哋揀✨。第一次試婚紗嘅時候，我覺得某些款式唔太適合，後尾我哋上去再試多次size嘅時候，佢哋返咗新貨，同事都叫我哋可以再試吓，睇下啱唔啱心水，感覺同事真係想我帶自己鍾意嘅婚紗去，呢啲位都好細心🥹。 化妝師亦非常細心，會就返我嘅喜好去調整個妝容，又會不停幫我補妝同整頭髮，整體都好滿意💖！