我覺得Jason Pang Gallery嘅作品幾靚，而且同佢哋都幾啱傾😙。我哋覺得其他攝影師嘅風格唔係咁啱我哋，而佢哋嘅風格會比較型格。我哋睇過其中一輯嘅校服相，令我哋非常有共鳴，因為我哋係中學同學🥳。Jason Pang Gallery好肯為客人去諗想要嘅效果，仲俾咗好多有用嘅意見我哋，但係又唔會逼我哋一定要聽佢哋嘅意見，佢哋會睇吓我哋想點，再配合我哋😍。我哋喺拍攝之前都大概想像到個效果，對Jason Pang Gallery亦都有信心。過程中佢哋又唔會hard sell我哋，有啲咩問題都會好快咁解答到👍。 

拍攝當日，Jason Pang Gallery為咗拎靚嘅角度，真係會趴喺地下影，所以佢哋嘅工作態度真係好認真💯。佢哋仲會俾好多指示我哋，例如點樣擺隻手，令成個過程都會輕鬆啲。當日拍攝嘅氣氛非常輕鬆，佢哋唔單止lead住個氣氛，仲勾起返我哋以前嘅校園回憶，令影出嚟嘅相會自然啲，過程亦都幾開心。我覺得Jason Pang Gallery好盡責，亦都唔係一啲會斤斤計較嘅團隊🤩。本來拍攝只係四個鐘，但佢哋見有啲位唔錯可以再影，主動幫我哋影多幾張，過咗鐘都唔介意，呢一種態度好難得，好抵讚🌟，因為我哋都冇特別要求佢哋咁做。呢個位我覺得都幾warm，感覺Jason Pang Gallery都好想俾好嘅嘢我哋。