我喺網上認識到 GCYCC，主要係因為佢哋有草地同海景，樓上仲可以擺婚宴，所以我哋覺得比較方便，就揀咗佢哋🌟。同事郭小姐好細心，每次我哋有問題， 都會幫我哋解答，例如係婚禮需要注意嘅地方，佢都guide得好清楚，俾咗好多有用建議我哋。事前同事都會同我哋講下個流程嘅細節， 會同我哋講要準備啲乜嘢俾佢哋，令我哋喺準備過程當中輕鬆咗唔少🥰。

睇場嗰陣我哋覺得GCYCC個草地保養得非常好，場地有種歐陸嘅風格✨。午宴嘅Menu可以根據我哋嘅需要調整，例如我鍾意飲湯，佢哋就幫我哋將其中一個餸改做燉湯，呢點真係覺得 GCYCC好helpful，同事都好配合我哋嘅需要😍。本身我對 GCYCC 嘅嘢食期望唔算高，但後尾聽到大家都話嘢食好食🤩。

Big Day當日因為rundown有啲overrun，GCYCC嘅安排都好彈性，可以俾我哋遲少少完，配合到我哋嘅需要，覺得GCYCC都好體貼🥹。同事都好細心，例如見到我口渴，就主動攞飲品過嚟；當見我有啲唔舒服，仲準備咗糖分飲品俾我；甚至會幫手整理我條裙尾💖。不過，喺音響設備方面有少少可以改善嘅地方。喺草地證婚嘅時候，mic嘅收音唔算好穩定，所以司儀同律師講嘢有時會聽唔清楚，所以音響設備呢方面可以upgarde一下😚。