我係透過網上搵到SOVOS，我覺得同事都幾專業，會講解俾我哋聽香水bar嘅理念，就係想新人同賓客有啲特別嘅回憶，賓客對我哋個婚禮會有啲深刻嘅印象💖。同SOVOS溝通嘅過程都幾順利，佢哋提供嘅香水香味種類其實都幾多，有啲係比較甜；亦有啲中性啲嘅香味，適合男士或者鍾意清新風格嘅人，選擇上都多元化，滿足到唔同人嘅需要🌟。SOVOS嘅同事都會推薦啲香味俾我哋，會喺一邊俾啲意見我哋，或者睇吓我哋有冇需要幫助嘅地方👍。Big Day當日，佢哋嘅同事會主動同賓客解釋每種香味嘅特點，令每位賓客都覺得自己喺到唔單止係拎枝香水，而係有種參與感，亦都令到賓客對我哋嘅婚禮更加有印象😝。當日SOVOS有兩個同事可以分工合作，又會安排返啲人流，成個過程就會再順利啲。而且SOVOS都好注重細節，例如香水嘅包裝可以有啲個人化嘅設計，咁賓客收到嘅時候都會覺得比較特別✨。同事仲會根據婚禮嘅主題去決定香水bar嘅deco，可以配合返整體婚禮嘅風格，呢啲位都好好。我覺得香水嘅質素都幾好，唔會有嗆鼻嘅味道，反而係啲清新嘅香味，唔會令人覺得有負擔🌟。