嗰陣時見到GCYCC嘅草地場地，我覺得真係好吸引，好有歐式嘅風格🥰。同埋喺草地度證婚係我夢寐以求嘅一件事🥹，再加上我唔想擺喺酒店擺酒，所以就揀咗GCYCC。佢哋嘅場地係一個面向大海嘅草地，落地玻璃係睇到成個海景，成個感覺好好。雖然場地當時仲未開放可以book，但因為真係好鍾意呢個場地，所以嗰陣時一直追住同事想book GCYCC，佢哋都覆得好快👍。揀呢個場地本身都係想大家開心同可以chill啲，之後大家都話個場地氣氛好好，長輩們都好滿意場地同同事嘅服務，甚至誇張到用完美兩個字形容🤣。同埋佢哋都話啲嘢食好好味，大家都係咁讚💯。

同事交接都做得好好，好有責任感，本身諗住大家一齊坐低開一次會，但係因為我夾唔到時間就冇，但係都覺得佢哋交接得好好，後尾接手嘅同事都清楚知道我嘅要求同諗法😆。Big Day前我最擔心嘅係天氣，因為前一個禮拜一直落雨，加上我哋計劃喺草地舉行證婚儀式，如果落雨就唔可以喺草地證婚。GCYCC 嘅同事Boey同Fion 好有經驗同專業，佢哋話如果天氣唔好，就會上返ballroom證婚。最後Big Day當日天氣都okay，證婚同午宴嘅時候都冇落雨。喺草地嘅證婚儀式真係好靚，影相個效果真係我想要嘅嘢，賓客都覺得好開心💖。GCYCC同事嘅笑容都好好，仲介紹咗MC俾我。當日Fion同同事仲一直幫我拎裙尾，我自己都唔好意思🥲，同事Wilson好醒目，會提點啲細節，例如係march in去到邊個位要轉彎。同事都好有耐性，我不停問佢哋問題，都會好有耐心咁覆我💯！不過因為個場地2:30pm要交場，我哋覺得如果可以長時間少少就更加好！因為好多場地嘅午宴可能都係3pm或者3:30pm先要交場，新人同埋賓客就唔洗咁趕🥹！