我最後選擇咗 Dimanche，因為佢啲裙靚啲吸引啲，感覺比其他公司嘅更加啱我😆。不過講真男士禮服嘅選擇確實比較少，呢方面就有少少不足。 第一次去到Dimanche，覺得佢哋舖頭地方幾大。無論我問咩問題，同事都好有耐性咁解答，仲會根據我嘅需要推薦款式，都幾積極，但唔會hardsell，俾空間我慢慢揀👍。成個過程冇咩壓力，係一個幾舒服嘅體驗。

除咗租借禮服，我哋仲用咗Dimanche嘅攝影同化妝服務。攝影服務方面，事前攝影師會同我哋傾下，了解下有冇特別嘅要求😚。拍攝當日，攝影師表現好好，都知道我哋想要啲咩，角度都處理得好。團隊都有啲默契，會互相補位🌟。化妝方面，化妝師事前有同我溝通妝容，了解我想要嘅風格，都會特別留意啲細微位。我好欣賞嗰位攝錄師，真係印象好深刻。佢拍攝嘅時候唔小心跌咗兩次，仲流血添，但佢完全堅持完成工作🥹。條片賓客都話好睇😙。不過Dimanche 都有啲地方可以進步，例如禮服款式嘅選擇，我覺得可以再更新多啲。特別係男士禮服，選擇真係少。