我哋當時都有比較過其他酒店或者婚宴場地，但最後揀咗Novotel Century，因為佢啱啱新裝修，而且又喺港島區，地理位置方便又近，最終就決定揀佢哋😆。一開始溝通嘅時候，Novotel Century嘅同事俾我嘅印象幾好，informative 又 helpful。我哋有咩問題問同事，大部分都解答到，感覺到佢哋對場地嘅package同細節都好熟悉。睇場嗰陣，場地俾我嘅感覺係光猛乾淨，完全符合我哋嘅expectation。溝通過程中，同事主動俾咗好多實用嘅建議，特別係流程同當日操作方面，同埋都好配合我哋。佢哋仲會提點我哋，所以Novotel Century嘅同事好有經驗。婚禮當日，同事都好照顧我哋，會主動關心我哋😚。

屋企人同朋友都話啲嘢食幾好，尤其係啲小食，不過酒店嘅車位數目唔係好夠，只係得兩個免費車位。呢樣嘢對某啲新人嚟講，確實係需要考慮嘅因素🥹。我都想特別讚下Novotel Century，我哋嘅婚禮因為某啲原因延期咗一年，酒店都好通融，幫我哋保留咗2022 年嘅package去到 2024 年，我諗其他酒店未必能夠做到呢點。而且，佢哋每次回覆message都好快，唔會有唔理人或者處理慢嘅情況🥰。