我係喺網上認識到有榮珠寶鐘錶金行，揀佢哋係因為見到佢喺灣仔已經營運咗一段時間，感覺係老字號，加上見平時都有唔少人喺舖頭買嘢，覺得信得過有榮珠寶鐘錶金行，決定試吓。同事嘅服務態度真係好好，幾位同事都好有耐性同用心。雖然當時舖頭都幾忙，但佢哋嘅服務質素都幾好，唔會話忽略邊個客人咁樣，每一個客人都被照顧得好周到，仲斟茶俾我哋，冇因為有其他客人而冷落咗我哋🤩。我同同事講咗想搵啲咩款式嘅金器，佢哋即刻幫我哋揀咗啲款出嚟睇，仲會介紹啲新款俾我，令我哋可以慢慢考慮。同事又唔會催促我哋，顯得十分有耐性🥰。

試戴嗰陣，有榮珠寶鐘錶金行都幾細心，會幫我哋解開每一件金器，我哋可以感受到金器嘅重量同埋戴上去嘅效果，方便我哋做比較同決定。最後，我哋買咗一對龍鳳鈪、一條花頸鏈同埋一個豬牌。成個過程大概用咗兩個鐘頭，但有榮珠寶鐘錶金行始終保持耐性，細心講解唔同重量同款式嘅特點，仲會提供專業意見，呢種服務態度真係令人滿意❤️。