因為我哋係想搵啲有outdoor area嘅場地，Hyatt Regency Shatin呢到係其中一個選擇，最終我哋揀呢到嘅原因主要係性價比高🥰，而且交通都幾方便。佢哋嘅outdoor area都幾吸引，有啲園林嘅設計，真係好似去咗第二個地方咁，成個感覺都幾安靜同舒服🤩。至於同場地嘅聯絡方面，Hyatt Regency Shatin比起其他場地覆得快啲，當時我問過三個場地，兩間都要我追住問先答我，但Hyatt Regency Shatin嘅同事係覆得最快，佢哋唔洗我等，又覆得好詳細🤪。而且當我哋有啲問題問同事嘅時候，佢哋都好有耐性咁俾啲意見我✨。

至於場地方面，佢哋嘅設計都係我鍾意嘅風格，冇柱擋住，而且個台同啲位嘅距離都幾近。另外Hyatt Regency Shatin會提供埋麻將枱，因為長輩都鍾意打牌，呢樣野令到佢哋都幾開心😋。Big Day當日，同事表現真係好好，特別係會有一個同事特別跟住我，隨時幫我整理下裙尾。同事處理啲嘢都好快手，所有野都協調得好順利。同事對待賓客都好好同好細心，有啲朋友飲多咗酒，佢哋都會幫手照顧。至於嘢食方面，賓客都覺得好滿意🥳。

有一個位置我覺得Hyatt Regency Shatin真係好細心🥰。因為我 book 咗兩間房，同事一開始就問我哋需唔需要住喺同一層，連房卡都安排得好細心，又俾extra房卡我哋，又可以用同一張卡入兩間房😚。而且同事都知道我哋會喺第二日好攰，所以幫我安排咗去到2點先check-out，呢個細心安排真係覺得覺得佢哋好貼心😆！