我之前去過幾場婚禮，主持證婚儀式嘅都係Carmen律師，當時已經留意到佢好用心去做證婚，講故事都叻，所以就揀咗Carmen律師💖。同Carmen律師聯絡之後，我發現佢會好細心咁處理每一步，會主動提醒我哋需要準備啲乜嘢文件🥳。如果我哋有唔明白嘅地方，佢都會好有耐性咁解釋清楚，唔會有敷衍嘅感覺😚。Carmen律師仲安排咗一次meeting，詳細了解我哋嘅背景，例如我哋點樣認識、相處模式等等，令當日證婚時講嘅內容可以更加貼合我哋嘅故事❤️。

當日Carmen律師提前嚟到同我哋rehearsal，佢好仔細咁教點樣我哋點行入場，甚至連頭紗點掀，花球點擺同誓詞點讀都同我哋講🥹。Carmen律師會用一個好自然嘅方式去講述我哋嘅故事，唔會刻意搞笑，又唔會太死板，令氣氛都會輕鬆啲，大家都會想聽落去🥰。我有姊妹係做司儀同一個朋友負責彈琴，Carmen同佢哋嘅交接都非常順利，同佢哋配合得好好✨。最令我印象深刻嘅係，喺Big Day之前，我哋去咗朋友嘅婚禮，Carmen律師亦都係佢哋嘅證婚律師。Carmen律師見到我哋，會主動打招呼，仲同我哋傾咗幾句，所以我覺得Carmen律師真係好nice，有好強嘅親和力，唔會俾人有距離感💕。