我哋選擇 SOVOS 嘅其中一個重要原因，就係佢哋嘅服務好專業之餘，態度亦都好好💕。相比起其他公司，SOVOS唔會俾我哋一種太商業化嘅感覺。我哋有去過一次佢哋嘅workshop，都了解咗佢哋嘅品牌理念同香水配搭，仲可以親手調製自己嘅香水🌟。SOVOS 提供嘅香味選擇亦非常多元化。佢哋嘅base有三種，再搭配四種可以揀嘅 top-up 香調，組合出嚟可以有好多變化🥳。而且，賓客仲可以自由調整 top-up 香調嘅比例，甚至可以選擇唔加，唔少朋友都話呢份回禮禮物新鮮又有趣💖。對我哋嚟講，呢個亦都係婚禮中一個好特別嘅亮點。婚禮當日，SOVOS 嘅同事都好有耐性，逐一同賓客介紹香水。而 SOVOS 嘅香水樽嘅design係可以加錢寫新人嘅名，或者可以有其他包裝。不過佢哋香水嘅噴頭有陣時會有漏出嚟嘅情況，但呢樣可能係關個人使用習慣事🤣。

另外，SOVOS 嘅香水係草本調，味道係好清新自然，唔會有太濃烈嘅化學味道，好啱平時用☺️。雖然我哋揀嘅係promotional package，但佢哋依然非常重視我哋嘅要求。雖然個package話係SOVOS會指定用啲咩香味，但我哋喺workshop入面用嘅香味，同事會幫我哋記錄低，然後會喺Big Day當日再用返嗰幾隻香味😚。同埋當日最受賓客歡迎嘅幾款香味，都係同事之前推介嘅，所以我哋覺得SOVOS真係幾專業😚，同事又會預多少少香水嘅分量，但又唔會sell我哋買好多，會按我哋嘅需要去推薦返買嘅份量😆。