SOVOS嘅同事整體俾我嘅印象都幾好，溝通上都好順利，喺workshop期間，佢哋詳細介紹咗公司嘅香水選擇同package，令我哋可以根據自己嘅需求揀最啱嘅package🤩。而且SOVOS喺成個過程中都冇hardsell，反而係好尊重我哋嘅決定，仲會根據我哋嘅需求提供一個tailor-made嘅方案❤️。SOVOS成個workshop嘅氣氛係好輕鬆冇壓力，同事仲介紹咗消毒噴霧或者洗手液呢啲alternative product俾我哋，因為我哋都擔心賓客未必用香水，感覺佢哋真係諗得好周到😆。最後我哋傾完之後，都一致決定揀香水。

SOVOS嘅香水booth設計幾靚，當晚仲有兩個同事過嚟幫手，佢哋態度好好，會耐心咁解答賓客嘅問題，賓客對佢哋嘅服務都讚不絕口✨。同埋回禮香水唔係一般見到嘅傳統回禮禮物，例如餅、茶之類，而係可以俾賓客自由選擇自己鍾意嘅味道，呢樣嘢好特別😆。過程中亦有啲美中不足嘅地方。例如，佢哋有時回覆比較慢，尤其喺我哋想要新嘅quotation嘅時候。另外，香水選擇嘅款式可以再多啲就好，例如更多base嘅香味或者更特別嘅選項，會更加吸引💖。因為我個人對香水比較了解，所以希望會有更多選擇☺️。