Carmen律師俾我嘅第一印象就係非常專業同nice，佢會好耐心咁解釋每份文件嘅用途、點樣填同簽，甚至提醒我哋留意文件入面一啲容易忽略嘅細節，呢點真係令我哋好放心😎。喺Big Day前，Carmen律師安排咗幾次meeting，佢會了解下我哋點樣識、拍拖過程嘅小故事，甚至一啲有趣經歷。當日Carmen律師嘅表現真係超出我哋嘅expectation。因為我哋嗰日嘅rundown安排得比較密，加上場地都幾大，但佢仍然可以有條不紊咁處理唔同事項☺️。Carmen律師唔單止係證婚律師，仲幫手處理我哋喺rundown嘅問題，例如花仔花女幾時入場、伴娘伴郎點樣排位，甚至喺彩排嗰陣都親力親為lead住大家，成個過程我哋都好清晰自己要做啲咩😆。

喺證婚過程當中，Carmen律師真係帶動到個氣氛，之後仲有親戚朋友嚟問佢嘅contact😌。Carmen律師當日係幫我哋執好所有細節，例如係幾時入場、幾時簽文件、幾時講嘢，佢都安排得清清楚楚，令我哋可以完全放心😆。就連我哋搵嘅MC都話，有Carmen律師喺到就完全唔洗擔心，佢既細心又專業，真係令人非常滿意😄。