Carmen律師俾我嘅印象係好專業同細心。佢會好詳細咁解釋成個證婚流程，包括需要交嘅文件、交文件嘅deadline等等，每樣嘢都講得好清楚😚。另外，Carmen律師會主動了解我哋嘅背景、相識經過，所以件事出到嚟好warm。喺處理法律文件嘅時候，佢亦都好耐心，會逐樣解釋清楚每份文件嘅用途，令對於呢啲嘢比較陌生嘅我哋嚟講，真係幫咗我哋唔少☺️。

證婚當日，Carmen律師嘅表現更加值得我哋一讚🌟。嗰日天氣好差，落好大雨，但Carmen律師有準備好 Plan B。喺室外簽唔到紙嘅情況下，佢即刻安排咗先簽一張假嘅，再轉去室內簽返正式嘅，成個過程都非常順利，完全唔會因為天氣問題而亂咗陣腳😍。另外，我哋當日本身係冇花仔，Carmen律師仲主動借咗佢仔仔俾我哋，呢一點真係好warm又貼心。喺證婚儀式開始前，Carmen律師會再三確認啲rundown，幫我哋舒緩咗唔少緊張情緒，佢仲會提醒我哋喺影相嗰陣要留意啲乜嘢，真係好細心😋！成個證婚過程中Carmen律師都好專業，甚至連一啲細微嘅細節，例如點樣揭頭紗先會靚啲，佢都會提醒我哋🤣。