我有睇到 Hyatt Regency 喺尖沙咀同沙田嘅酒店，亦都有考慮過其他酒店。不過，最後睇過咁多間酒店之後，我發現Hyatt Regency Shatin嘅草地證婚場地真係好靚，感覺喺呢到搞婚禮會好特別，所以我哋就決定咗揀呢到🌟。佢哋嘅團隊俾我嘅印象好好，無論係效率定態度都好出色。每次有查詢或者疑問，同事都會先了解清楚問題，並且好快俾到回覆。唔止係答問題咁簡單，佢哋仲俾咗好多實用建議🥰。場地方面，我哋對草地證婚場地好滿意。證婚草地同宴會廳之間有條獨立嘅路，呢樣嘢幾好😋。Hyatt Regency Shatin嘅宴會廳夠大夠寬敞，設計亦都好簡約大方，令成個氣氛感覺好舒服，賓客活動空間都好夠。喺準備階段，佢哋提供咗一份詳細嘅 checklist，清楚列明每一步需要準備嘅事項，真係好方便😗。

至於婚禮當日，新娘會有一位同事全程陪住，仲時不時問我哋需唔需要水或者其他幫助。Hyatt Regency Shatin連一啲細節位都諗得好周到，例如入場前提醒我哋點樣拖裙尾，同埋行入場要注意嘅動作，確保每個環節都順利完成😍。當我哋忙住招呼賓客同上台嘅時候，同事仲幫我哋留咗啲嘢食。好多親戚朋友都話佢哋去過咁多婚宴，Hyatt Regency Shatin嘅食物真係幾好食，無論係質素定上菜時間都掌握得非常好，唔會出現啲餸凍咗或者等太耐嘅情況。將來如果有其他場合需要，我一定會再考慮Hyatt Regency Shatin，亦都好想推薦俾其他新人🥰！