Carmen律師網上啲 review 同 comment 都好正面， 所以我哋當時係直接揀咗佢👍。 第一次接觸Carmen律師嗰陣，已經覺得佢好易相處，同埋佢識得點樣引導我哋講多啲嘢，俾佢可以準備份稿🥳。有啲細節可能我哋都唔記得，係Carmen律師嘅引導幫我哋搵返啲記憶出嚟。佢處理文件嘅時候俾我哋嘅感覺係好專業同細心，有啲我哋唔太熟嘅法律部分，Carmen律師都會解釋得好清楚，所以我哋都好安心😗。 

去到證婚當日，雖然落大雨，但Carmen律師都好細心咁幫我哋睇住個天氣。原本我哋諗住喺室內證婚， 但見到中途天氣好似好咗啲，Carmen律師就主動幫我哋問可唔可以改返去戶外。當時我真係覺得佢唔止係想完成工作咁簡單，係真心想幫我哋將成件事做到最好😚。Carmen律師當日表現得好主動，lead到成個場，令成個rundown行得順利，我哋真係好安心咁交俾佢處理，完全感受到佢嘅經驗好豐富😍。Carmen律師令成個場面好溫馨，最令人驚喜就係佢講故事嘅方式，即使我哋之前只係見過一兩次，但當日佢講出嚟嘅內容，啲賓客都以為佢係我哋朋友，啲細節位講得生動又自然😆。有啲朋友都話Carmen律師好親切，唔似一般嘅律師，成個 presentation 聽落去係好舒服。Carmen律師嘅 storytelling 真係好強，我覺得比起我去過其他朋友婚禮嘅 MC 仲專業🤩。