Hyatt Regency Shatin 最特別係有個草地，呢點對我哋嚟講真係好吸引，因為唔係每間酒店都有草地💖！喺同酒店同事接觸嘅過程當中，同事嘅態度真係好好，如果我哋有問題問，佢哋都回覆得好快，令我哋覺得好安心，佢哋仲會喺婚禮rundown方面俾啲意見☺️。睇場嘅時候，我哋覺得場地嘅裝修風格簡潔大方，唔會太過花巧，睇落去感覺舒服又得體😗。

婚禮當日，酒店嘅同事好幫得手，尤其係幫我拖婚紗嗰位同事，佢真係好細心🥰。同埋親戚朋友都讚Hyatt Regency Shatin啲嘢食好味。Hyatt Regency Shatin 嘅同事唔單止細心，仲好有責任感，我哋有啲枱係未坐滿 12 個人，佢哋主動幫我哋做咗啲調整，幫我哋慳咗啲錢。另外，就算有啲同事唔喺香港，佢哋都可以好快覆到我，我真係冇估到佢哋會咁上心，同埋Hyatt Regency Shatin 嘅出門房都夠大，room service都做得好好👍！