因為我哋本身已經計劃去沖繩教堂行禮，咁啱見到Monalisa有相關嘅package，就有特別留意佢哋。之後見Monalisa俾我哋睇嘅相都好靚，加上同事嘅介紹好詳細，服務態度又好，所以最後決定揀Monalisa😍。喺溝通過程中，同事都好有耐性，會主動介紹唔同嘅 package，令我哋對成個流程有更加清晰嘅概念。當我哋有問題問佢哋嘅時候，佢哋都會解釋得好仔細，呢點令我哋感覺好安心。攝影師係香港人，同我哋嘅溝通係完全冇問題，佢仲會教我哋擺pose，提醒我哋點樣行禮，令我哋喺影相同儀式過程中都覺得好安心😆。由於當日大部分工作人員係日本人，而我哋嘅日文唔係好好，所以攝影師同化妝師喺語言溝通方面幫咗我哋唔少，呢點真係好重要。化妝師亦都好細心，拍攝前會問我哋鍾意咩風格、會唔會對化妝品敏感，仲會提醒我哋前一晚唔好食拉麵，以免第二朝水腫🤪。佢仲建議我哋敷 mask去保持皮膚狀態。佢仲教我可以點喊，但唔會破壞個妝，例如用紙巾輕輕印眼淚，而唔係大力去擦，避免妝容會花。

Monalisa團隊嘅表現真係超出我哋預期，成個過程都安排得好細心，令我哋好滿意。由溝通開始，到正式拍攝，團隊都俾咗好多貼心嘅提醒，例如點樣擺 pose、影相角度要點樣先靚，連一啲細節位都會幫手，例如安排翻譯、安排當日流程，所有嘢都好有效率🌟。最令我印象深刻嘅係，Monalisa當日影完相之後，當晚已經 send 咗一啲相俾我哋，等我哋可以即刻同屋企人share，呢點真係好驚喜👍！另外，唔止我哋滿意Monalisa嘅表現，連賓客都話佢哋影相好專業，知道點樣lead住大家，影出來既效果又靚又自然。Monalisa相嘅風格，都好符合太太嘅喜好，所以我哋真係覺得好幸運可以揀到呢間公司。Monalisa團隊真係專業又nice，指示又清晰，令整個拍攝過程好順利，節奏又掌握得好，成個體驗都非常愉快😙。