我第一次同 Carmen 律師接觸嘅時候，覺得佢真係好 nice，冇乜距離感🥳！我哋起初都有啲緊張，之後 Carmen 律師提前約我哋見面，傾咗個幾鐘，佢好仔細咁了解我哋點樣認識，點樣拍拖，啲細節問得好認 真，俾我嘅感覺係一位健談、真心想了解我哋故事嘅朋友。Carmen 律師真係好有親和力，當我哋係朋友咁傾計，同埋對我哋個故事都好有興趣🌟！

Carmen 律師將我哋啲零散嘅回憶整理得好有條理，演繹得好生動，聽落好舒服，前中後段安排得好好🥳。 我之前參加過其他婚禮，見到有啲律師可能嚟一陣，讀完誓詞就走。但 Carmen 律師就唔同，佢真係全程參與，好似一位統籌咁，幫我哋安排曬所有rundown。我仲記得臨時多咗個花女，妹妹都有啲擔心唔知點樣安排，但Carmen 律師即刻幫我哋安排好曬，一啲都冇亂曬龍嘅感覺😙。Carmen 律師仲會主動幫手聯絡攝影師、兄弟姊妹，甚至教我哋一啲細節位，例如係點樣揭頭紗、點樣行位，全部安排得妥妥當當。講真冇咗Carmen 律師，當日真係唔會咁順利，氣氛都唔會咁好，我之後都特登多謝佢。仲有一樣好窩心嘅嘢就係佢仲會用自己部電話幫我哋影相、拍片🥹。Carmen 律師會企喺一個好好嘅位置影咗好多靚片靚相俾我哋，令我哋唔洗等攝影師啲相，真係好感動，感覺似額外 bonus😍。

喺成個過程入面，Carmen 律師好nice，冇一般律師嗰種距離感，反而好似朋友咁，口才又好，組織能力同統籌能力都超強。好多細節我哋未諗到，佢都會主動提點，仲準備埋啲道具俾我哋！有時我哋忙到自己都唔記得交資料俾Carmen 律師，反而係佢主動追我哋，所以啲文件先可以準時完成！成個婚禮準備過程，Carmen 律師都可以keep住個輕鬆氣氛，唔會搞到我哋太緊張。因為我哋唔識揀歌，佢都會幫我哋搞掂埋。成個過程真係好似朋友咁，冇距離感，好舒服💖。

最深刻係婚禮當日，Carmen 律師特登入嚟陪我rehearsal，當時我仲化緊妝，令我哋安心好多，唔會驚出錯。同埋我覺得有啲詞語如果用返中性啲、正面啲，個氣氛會更加好！而且Carmen 律師全程留到好夜，完全冇話趕住走！啲賓客都覺得 Carmen 好犀利，口才好好，成個 婚禮氣氛好開心，冇諗過律師可以做得咁出色！到而家諗返當日，真係覺得成個婚禮又開心又圓滿，係一個好重要嘅回憶，真係好感謝Carmen 律師🥰！