一開始接觸Blue Blend Gallery嗰陣，感覺幾好，我哋有咩問題佢哋都回覆得好快，俾人感覺又專業又有耐性💖。我哋睇過團隊以前嘅作品，覺得幾靚，加上朋友都搵過佢哋，所以都幾放心。喺前期準備方面，團隊會主動了解我哋鍾意嘅風格，問我哋想影邊啲景點，亦都會提議一啲佢哋覺得啱我哋嘅地方😗。影相當日，氣氛好輕鬆，Blue Blend Gallery團隊好細心，唔單止會留意我哋嘅感受，仲識觀察我哋攰唔攰，會主動安排我哋休息，令我哋覺得成個行程好輕鬆，冇乜壓力，真係可以安心交俾佢哋。因為我哋唔係好識擺 pose，又冇咩影相經驗，不過攝影師會好有耐性咁教我哋，亦都好鼓勵我哋，唔會令我哋覺得尷尬或唔自在🌟。我哋本身都比較佛系，冇諗太多細節，但攝影師有好多 idea，例如叫我哋可以帶啲鍾意嘅公仔嚟，影出嚟會多啲個人風格；又例如團隊知道可能會落雨，就叫我哋準備遮，影相效果會靚啲。成個過程入面，可以感覺到Blue Blend Gallery幾有經驗，好多細節都幫我哋諗埋🤪。

啲相出嚟都好靚，我哋覺得都幾驚喜，揀相嗰陣都覺得好難揀，因為張張都好好睇🤩！成個拍攝過程好輕鬆，團隊安排得好周到，無論交通、食嘢、時間都幫我哋 plan 好曬。我哋幾乎咩都唔洗煩，只要個人去到就得。我哋喺日本影嘅時候，喺鎌倉嗰邊嘅天氣唔太好，Blue Blend Gallery團隊仲特登抽多一日幫我哋補拍，真係好貼心😆。同埋喺化妝同髮型方面都做得唔錯，我平時好少化妝，唔知邊種 style 適合自己，但化妝師好專業，幫我化咗一個好自然，好襯我嘅妝。髮型方面，我特別鍾意佢幫我鬢辮嗰個造型，好有心思🥳。我最欣賞嘅係Blue Blend Gallery好鼓勵新人，會成日讚我哋，令我哋放鬆啲，笑都笑得靚啲，整體氣氛好輕鬆，好開心！同埋Blue Blend Gallery成個團隊都幾後生，但好有經驗，大家好易 catch 到對方嘅諗法，知道我哋想要啲咩感覺😚！