我本身嗰陣都係諗住租金，揀咗千金金業最主要原因係佢哋地點方便，佢喺尖沙咀，而我哋酒店係喺九龍區。我哋去完舖頭攞金器，之後再行返去酒店就得，真係方便好多☺️。相比之下，另一間雖然都係九龍，但位置偏僻，出入冇咁方便。 去到千金金業，我帶埋先生、奶奶同媽咪一齊去。因為長輩對金器比較有要求，所以我都擔心佢哋會問好多問題。千金金業嘅同事真係幾細心，款式、做法同服務都解釋得好清楚，解答咗佢哋唔少問題🤩。其實我奶奶一開始係傾向買金多過租，覺得買先實際。但最後同事都解釋咗租嘅好處，都show到啲款式夠靚、份量夠，令長輩覺得戴出嚟都見得人，先接受咗租呢個選擇。長輩最擔心嘅係租嘅金器會唔會太薄，但係佢哋見到實物之後，發現啲金都幾好，款式同市面買到嘅差唔多，反而租到嘅份量仲會多啲。我哋親身望同摸過之後，佢哋都安心咗好多，覺得唔會失禮。另外，千金金業本身都幾有規模，仲有show埋佢哋嘅牌照出嚟，感覺專業可靠🙌🏻。呢啲細節令我同長輩都放心，唔會驚俾人呃。始終講緊都係幾大筆錢，安全感好重要🌟。

千金金業嘅款式偏向傳統，唔似珠寶店嗰啲咁新潮。不過我唔覺得係問題，因為租金器主要係用喺大日子，唔需要太潮流，最緊 要上身效果睇落得體🥳。嗰陣我基本上每一款都試戴過，先決定租邊啲。包括我同先生嘅金器，都有逐件試過，咁樣心入面都清楚大日子出嚟嘅效果會點。同事都有提醒我，唔好淨係揀最大、最密嗰啲金器。我試花鏈嗰陣，本身想揀條大啲、 密啲嘅，但同事話因為我嗰套褂啲刺繡都幾密，如果再配條太密嘅鏈，會搶咗件褂嘅效果🥹。佢建議我揀返一條兩層但有空位嘅花鏈，咁樣可以睇清楚褂嘅刺繡。最後我聽咗同事嘅建議，效果真係好好☺️。呢個就係千金金業專業嘅地方，會諗埋整體嘅搭配🥰。

因為我冇穿耳窿，同事都特登提我，到時叫化妝師幫我戴耳環先，因為交俾長輩可能會搞好耐。同事仲準備埋唔同款嘅膠耳托俾我備用，仲教我點樣夾得穩，呢啲提醒真係好實用，因為新人未必會諗到咁多❤️。如果當日先臨急臨忙處理，喺咁多人面前會更加緊張。不過金器有啲扣位比較鬆，我就用透明膠紙貼實啲扣位，咁樣就唔怕跌，所以如果可以提埋呢樣嘢就好😜！但除咗呢個小細節之外，我對千金金業嘅服務真係好滿意😍！