我哋本身都有睇過其他公司，不過最後揀咗Le Baliwedding。主要原因係同佢哋溝通落個感覺幾好。我哋之前遇過啲好chur嘅 sales，成日要我即刻做決定，搞到好有壓力。但Le Baliwedding團隊俾我嘅感覺就唔同，佢哋好有耐性又熱情😍，雖然唔係一啲好大型嘅公司，但俾人嘅感覺好專業、好實在。 喺溝通方面，我真係幾滿意。同事回覆得好快，我問咩都會詳細解釋，唔會敷衍我，成個過程都令我覺得幾放心。婚禮前佢哋又會提醒我要準備啲乜嘢。佢哋仲會主動 update 我當地嘅天氣情況，叫我唔洗擔心，呢啲位真係幾貼心🤓。 印象比較深刻嘅係，因為團隊前幾日去咗峇里搞婚禮，咁啱我都會去同一個 resort，佢哋仲特登拍咗片俾我睇當地情況，可以俾我參考下。呢啲細節令我覺得佢哋真係好有心，會主動諗點樣幫新人準備得更好。 Le Baliwedding成個團隊我都好滿意，無論係 Jeff 本人、化妝師、攝影師定係啲助手，全部人都好 friendly、有禮貌。化妝師手勢好，攝影師又肯聽意見，影出嚟嘅相又啱我哋個 style💖。團隊唔單止專業，仲願意配合新人要求，成個流程都好順利。 婚禮當日基本上我哋都冇乜特別擔心嘅地方。團隊一路都會keep住同我哋聯絡， 有問題都會即刻回覆，令我哋覺得好安心😌。