Arlene Wedding嘅同事俾我嘅印象真係好好。佢哋好有禮貌、好 nice，最重要係肯聽我講我鍾意啲咩，又會主動幫我搵啱我風格嘅衫🤩。其實一開始我都唔太清楚自己想要咩風格，係同事一步步介紹俾我睇，仲推介幾款唔同布料同cutting俾我，等我慢慢試、慢慢揀。到第二次再去嘅時候，同事已經準備好幾套我之前講過鍾意類型嘅婚紗俾我試，感覺真係好貼心😙。 試衫嗰陣真係好舒服，佢哋完全冇催我，成個過程都好輕鬆。兩位同事俾人感覺都好有親和力，好似朋友咁傾偈💕。Arlene Wedding會仔細講解啲裙可以點樣改，例如膊頭位可以點整、裙尾可以改成咩形狀，俾我有多啲想像空間去諗自己鍾意邊一種。啲布料質地好舒服，著上身唔會覺得焗同緊☺️。Arlene Wedding 啲婚紗款式真係幾多，唔同布料、唔同風格都有。由手工款、簡約款到復古款都有齊，選擇多得嚟又唔雜。同埋佢哋度身都好準，好細心幫我量度位置，仲俾意見我，如果我想婚禮前減磅，大概要去到邊個size就啱。呢啲專業意見令我安心好多🌟。我最欣賞同事真係好細心，會聽我講、記得我講過嘅細節。成個溝通過程唔會有壓力，唔會 hard sell 我，唔會追住我問買唔買🥰。之前我陪朋友去其他鋪租媽媽衫，啲同事好chur，我當時都幾驚。反而 Arlene Wedding 啲同事俾人好舒服嘅感覺，完全冇嗰種壓力。我希望佢哋可以做多啲宣傳，等更多新人識到佢哋， 因為真係值得❤️。