嗰陣我都有睇過幾間類似嘅公司，都有做少少比較先，最後揀Le Baliwedding ，主要原因係佢哋覆得好快👍。呢樣嘢令我一開始就對佢哋好有信心，覺得溝通應該會好順利。之後正式聯絡嘅時候，佢哋嘅回覆一樣好快，好有耐性咁解釋我唔明嘅地方。成個過程入面，我覺得Le Baliwedding 態度好專業又有經驗☺️。好多時我都未問，佢哋已經會主動交代清楚啲細節，令我唔洗成日追住問。呢啲位令我覺得佢哋可信又細心，做嘢有條理，唔會俾人一種亂七 八糟嘅感覺。去到婚禮當日，Le Baliwedding 都有同事全程喺到 stand by，如果臨場有咩突發情況，都即刻有同事幫手處理😙。呢樣我覺得好貼心，因為婚禮當日好多細節都要即時解決，有人隨時喺到支援， 令我哋安心好多。 成個團隊俾我嘅感覺係好用心、好實在。Le Baliwedding 團隊之間嘅默契同經驗都好穩陣。雖然我一時間唔記得曬每個同事嘅名，但印象中大家都好有禮貌、好照顧客人🌟。如果身邊有朋友問我有冇推介， 我都會推薦Le Baliwedding 俾佢哋。整體嚟講，我對佢哋嘅表現好滿意🙌🏻。