我哋當時其實都有睇過其他團隊，不過最後揀咗Jason Pang Gallery，主要原因係因為佢哋啲相嘅 style 比較啱我哋，感覺自然哋，又唔會太做作🤣。 一開始聯絡嘅時候，佢哋俾我嘅印象已經幾好，感覺好上心，而且做嘢都好細緻。無論係問問題定係跟進進度，都唔需要我哋擔心，回覆算快，溝通上令人好放心🤪。 我哋今次揀嘅係 pre-wedding 拍攝。拍攝之前我哋都有大概諗過想去邊到影，喺成個過程入面，Jason Pang Gallery都會同我哋商量，亦都會俾返專業意見，而唔係一味要我哋照做，呢點我覺得幾好。其實我哋平時唔算成日影相，所以面對鏡頭都會有少少唔自然。不過 Jason 好識得引導我哋，會教我哋點樣擺 pose、點樣放鬆。就算喺多人嘅環境之下，都可以慢慢影到比較自然嘅效果，冇咁緊張🥳。其中有一套衫我係著旗袍，佢哋好識得幫我揀位置同構圖，去配合返旗袍嘅感覺，連擺 pose 都會因應套衫作出調整。影完之後，佢哋仲會即場俾我哋睇返啲相，等我哋了解大概嘅效果係點，呢樣都幾令人安心。成個拍攝過程其實都幾輕鬆，影得好舒服。就算我哋冇乜經驗，都會覺得只要跟住佢哋嘅指示去做就可以，唔需要自己諗太多💕。 另外，我都幾欣賞Jason Pang Gallery影相嘅角度同技巧。有啲地方其實我哋平時都去過，但從來冇諗過可以用咁樣嘅構圖去影，相入面嘅光影同畫面感都處理得幾好，睇得出佢哋喺攝影方面真係有功力。 揀相嘅時候，我哋覺得Jason Pang Gallery都做到我哋想要嘅風格，整體感覺都好滿意🌟。