我當時其實都有同其他 MC 比較過，但最後會揀Mc Fai，其中一個原因係佢回覆訊息比較快，有問題基本上都可以好快得到回應，溝通上感覺幾順暢。第一次見面同傾流程時，我覺得佢幾細心，會逐樣同我哋睇 run down，亦會提醒一啲細節位，例如時間安排、 流程銜接同現場需要注意嘅事項，呢啲對我哋嚟講都幾有幫助😆。 喺籌備過程入面，每次 meeting 佢都準備得算充足，對流程都好熟悉，亦會按住schedule幫我哋調整安排。到 big day 當日，我比較滿意嘅地方係Mc Fai對時間嘅控制，例如我哋希望大 約 7 點賓客可以入席、7 點半開始開席，佢都有幫手協調，令整體流程大致可以按計劃進行，現場氣氛亦算順暢，唔需要我哋再特別分心處理。不過亦有少少地方可以再改善，例如有時發音方面會有輕微懶音，如果可以再注意一下會更加清晰🌟！另外，佢比較傾向跟足 run down，有啲情況現場其實已經出現變化，例如部分賓客已經離開某個位置，個別環節其實可以考慮即場調整。如果可以再靈活少少，整體效果可能會更自然。再者，如果部分講稿可以背得更熟，表達上會更加流暢。 整體嚟講，佢喺溝通、準備同時間控制方面都做得穩定，細節位亦有留意！💕