我最初都有睇過其他類似嘅團隊，都有考慮過之後先決定揀Le Baliwedding。我揀佢哋其中一個幾重要嘅原因係覺得佢哋覆得好快，整體感覺比較 responsive，我哋有問題問佢哋都可以好快得到回應🌟，呢個位令我覺得比較安心同穩陣，起碼有人會幫到我哋手。我搵咗佢哋幫手安排峇里島嘅婚禮。整體嚟講，Le Baliwedding團隊俾我嘅感覺係幾專業，無論係前期溝通定係實際安排，都算順暢。溝通上都冇乜壓力，基本上問咩都有同事答到，唔會有種搵唔到人幫手嘅不安感。 團隊同事整體都算幾主動，亦會照顧到我哋嘅需要。成個過程都算順利，冇乜特別大問題👍。 去到婚禮當日，其實有一啲細節位我都幾欣賞，例如當日天氣好熱，佢哋有主動準備風扇，亦會喺有空檔嘅時候幫我換拖鞋。呢啲都係我自己未必會預先諗到，但佢哋會幫我留意到同準備好曬，感覺上係好有經驗同埋細心。 不過我覺得喺 planning 上面可以再做好啲，例如同 vendor 之間嘅資料或者安排，可以再 double check 清楚先俾客人，咁樣會更加穩陣，亦可以減少中間出現小問題嘅機會。 整體嚟講，我對呢個團隊係滿意嘅，成個婚禮過程都算順利，冇後悔揀到佢哋❣️！