其實我都有睇過兩間日本公司，佢哋嘅款式都唔錯，不過價錢相對貴啲，所以我都想慢慢比較清楚先決定。後來接觸到Vinci Jewellery，尤其係介紹戒指嗰位同事，服務態度幾好，講解又好清晰，令我對佢哋印象深刻。我最欣賞嘅係佢哋喺設計方面真係好有彈性。Vinci Jewellery嘅同事會好詳細同我講每個款式嘅分別。如果我有啲位想改少少，佢哋都可以幫我調整，甚至會先俾個demo我睇下個效果。相比起其他公司，有啲只可以喺原本款式上小改，唔可以大改，甚至改設計仲要另外收錢，所以呢方面我覺得佢哋真係好吸引🌟。 另外，我都幾鍾意Vinci Jewellery唔會俾壓力客人。有啲舖頭會令人覺得好似想你即日落單，但佢哋完全唔會，反而會叫我慢慢考慮，覺得啱先再返去搵佢哋。佢哋仲會俾啲資料我返去再了解，等我自己慢慢睇清楚。對我嚟講，買結婚戒指始終係大事，真係需要時間諗清楚，所以呢種冇壓迫感嘅感覺令我好舒服。 款式方面都有好多選擇，有日本款，亦都有香港款。我自己就比較鍾意香港款，因為設計上可以改動得多啲🙌🏻，而且我本身鍾意簡單、可以長期戴嘅款式，所以最後都係揀咗比較簡約嘅設計。先生都好鍾意，成品出嚟我哋都好滿意。最重要係戴得舒服，又係自己真心鍾意嘅款，咁先會想一直戴落去。 另外同事對產品嘅了解都非常詳細，唔會淨係介紹款式，而係連材質、保養、日常佩戴嘅情況都會解釋得好清楚，例如點解白金長期戴唔容易變色， 連背後原理都會講俾我知。仲有戒指尺寸方面，佢哋都會解釋冬天夏天手指粗幼唔同，教我點樣預留空位，真係好細心。 售後方面我都覺得幾安心，Vinci Jewellery有免費改 size 同清洗服務，令我覺得買完之後唔係就咁完咗，而係一直都有跟進。因為戒指係長期佩戴嘅，如果之後有需要調整，都知道有人幫到手。 仲有一樣令我印象深刻，就係佢哋同事之間嘅合作真係好有默契。我坐喺到試戒指、度 size 嘅時候，見到前面同事幫我介紹，後面其他同事如果得閒，就會主動幫手遞工具過嚟，完全唔需要人叫先做。感覺唔係各自做自己嘅野，而係真係互相補位， 大家都好主動。作為客人，其實係會感受到一間公司嘅氣氛，見到佢哋咁合作，自然對佢哋更有信心。成個購買過程我都覺得好舒服，冇壓力，服務又細心，戒指成品又滿意，所以我真係幾開心💕。如果之後有朋友想買對戒，我都會願意介紹佢哋去睇。雖然佢哋未必係最大嘅品牌， 但我覺得性價比、服務同專業度都做得好好，值得推薦🥳！