誠意滿滿！Le Baliwedding 俾咗我哋一個難忘嘅峇里婚禮

當初喺網上搜尋海外婚禮公司嗰陣，call咗好幾間去問，最後揀咗Le Baliwedding，就係因為佢哋真係最有誠意，覆得最密，令我哋好有信心。

第一次聯絡佢哋團隊嗰陣，已經覺得好Nice！佢哋好細心咁同我哋講晒成個流程係點，有啲咩要決定或者準備，又俾咗好多唔同嘅選擇我哋，令我哋呢啲第一次搞海外婚禮嘅新人都唔會一頭霧水。特別係香港嘅planner，真係畀咗好多實用嘅advice我哋，例如喺邊度搞午宴好，有啲咩流程可以揀，都解釋得好仔細好清楚。

最難忘當然係Big Day嗰日啦！攝影團隊比我哋想像中仲要大陣仗，教我哋擺好多唔同嘅pose影相，化妝師又化到個妝靚到不得了！成個流程行得好smooth，因為當地嘅團隊幫我哋安排得好好，親友們都可以順順利利咁入座同參與唔同嘅活動。老實講，所有工作人員都好好，令我哋可以完全放鬆享受呢個重要日子。

老公都讚唔絕口，覺得整個體驗好好！如果真係要講少少改善空間，就係我哋去咗Conrad酒店，攝影師可以拍多啲沙灘相，因為我哋大部份相都係喺草地嗰邊影，之後先發現原來嗰度嘅沙灘真係好靚，有啲可惜。