Mayona Wedding Boutique
4.8

客戶評語

Ca102336
4.5
精選評語
服務 / 婚宴日期: 2026.10.11
最初係喺Threads見到有準新娘分享,話Mayona係一間隱世婚紗店,性價比好高之餘啲款式又靚,就引起咗我嘅興趣。其實租紅裙之前我都有去過其他舖頭試,但老實講啲款式都幾老土,真係唔太襯自己。反而Mayona全部都係自家設計,款式比較現代化,啱晒我心水,而且價錢非常相宜! 第一次去到Mayona嘅...

最初係喺Threads見到有準新娘分享,話Mayona係一間隱世婚紗店,性價比好高之餘啲款式又靚,就引起咗我嘅興趣。其實租紅裙之前我都有去過其他舖頭試,但老實講啲款式都幾老土,真係唔太襯自己。反而Mayona全部都係自家設計,款式比較現代化,啱晒我心水,而且價錢非常相宜!

第一次去到Mayona嘅時候,職員都好友善同埋好helpful。其實我最初係去試pre-wedding婚紗嘅,當時職員仲主動介紹話紅裙都幾襯我,就試咗上身,點知一試就好滿意,即刻落訂!真係要特別嘉許Yuki,佢根據我嘅身型同喜好推介咗條紅裙畀我,一試就啱,省咗我好多時間周圍搵。

最難忘係試pre-wedding裙嗰陣,我其實都未定到影相日子,但職員好好人,幫我預留咗條裙,直到我確認咗先firm實,佢哋仲預鬆咗好多時間畀我,以防日子有改動,真係好貼心!成個體驗都好滿意,團隊好幫手之餘又有彈性,中間仲可以上去轉款,好有彈性。

如果真係要提一個建議,我會希望佢哋可以試下將款式放上iPad或者網站,方便準新娘去之前睇定款,當然我都明白自家設計款式會擔心抄襲問題,不過作為用家就會覺得方便啲啦!

整體嚟講我俾4.5分Mayona,真心推介畀大家!

非常多謝你寫咗咁詳細又暖心嘅好評!全體團隊收到你嘅點名讚賞都超級開心!好高興我哋嘅自家設計紅裙啱你心水,亦好開心彈性嘅留裙安排有幫你減輕煩惱。你提出嘅實用建議我哋亦會認真考慮,希望喺保護原創設計同方便大家之間取得更好嘅平衡!多謝你嘅信任同大力推薦,Mayona 全體團隊祝你新婚快樂、幸福美滿、永遠靚靚!✨