其實擺酒嗰度本身包呢間嘅場地佈置，不過我另外加咗1800蚊要咗個額外嘅地毯、兩盞燈同埋喺張枱加咗本相簿，不過其實唔加呢筆錢都冇問題。 同佢傾嘅時候冇hardsell我哋，再加上我哋接受到最standard嘅佈置，所以冇問題，最後個效果亦都唔錯！

我哋banquet嘅場地陽明山莊同佢有合作，本身包咗啲basic deco，於是我哋top up加咗6000蚊整多少少嘢，包括backdrop同reception，我哋都十分滿意。我哋上去傾嗰陣，佢哋好似好想我哋乜都加，但我哋就唔太鐘意呢方面，如果每樣嘢都聽佢意見加，成個lump sum會好多錢。不過出到嚟個效果好滿意，喺我哋鐘意嘅款！ 佢哋designer比較忙，覆email好慢，最尾忍唔住打電話同佢溝通。佢design咗三個layout款，個款喺我哋之前傾過嘅，但就有唔同嘅配色，font size同font style都整咗三個款俾我揀，最尾我哋分別喺backdrop同字型各揀一個款再merge埋一齊，呢個步驟就用咗三個星期email back and forth。 我本身嘅婚宴theme喺清新，會用花，但又未去到田園風。本身banquet包嘅basic backdrop喺拉落嚟嘅絹布backdrop，但我哋就唔鐘意，於是加錢做咗後面backdrop背景立體紙花，上面有我哋嘅名，亦加咗錢做spotlght，喺backdrop底部射上嚟，感覺會立體好多。