座落於尖沙咀,九龍區的中心地帶的唯港薈(Hotel ICON),附近名店食肆林立,四通八達,充分展現繁華鬧巿中的活力個性,成為一眾準新人舉辦婚宴的熱門之選。專業團隊由策劃統籌至所有婚宴每個細節,唯港薈都力臻完美,保證讓您留下獨特的醉人回憶。 擁有時尚高樓頂的Silverbox宴會廳,配置了全套先進的視聽影音及燈光設備配套,並採用極富現代時尚感的水晶玻璃燈,演繹出與別不同的經典神韻。不論是憧憬醉人美景餐廳、無柱式瑰麗宴會廳、還是充滿活力氛圍的自助餐﹔唯港薈(Hotel ICON),多個風格各異的婚宴場地,都完美切合各準新人的個性及預算﹔保證為您打造夢寐以求的特別日子,令賓客永誌難忘!
立即按以下圖片,進入VR全景世界,讓您感受如同置身其中的體驗。
AWARDS
同事俾我嘅印象都好friendly,…
我上網搵咗好多間酒店,亦都對比過好多間,但就凈係Hotel Icon 嘅網頁直接可以見到available嘅日期,比較透明化,我會比較鍾意。其實當時我都有上網搵過其他新人對Hotel Icon嘅評價,都係滿意嘅,所以我都覺得揀佢哋應該都係穩陣嘅,最後就直接聯絡佢哋了解更多資訊。😆
同事俾我嘅印象都好friendly,介紹package嘅時候都好清晰,溝通方面都講得好仔細,無論喺酒席方面或者係籌備婚禮方面都俾到我哋好多意見,亦都可以解答到我好多問題,睇得出佢哋同事喺呢方面都好熟悉!💯💯 場地方面sofar我覺得都幾好,會場夠大,好企理同埋好乾淨,可以容納到多啲賓客,亦都唔會迫,最重要嘅係無柱,望落比較光,賓客視野會好啲 big Day嗰日,佢哋都有安排同事跟住我同先生嘅,會照顧一啲細節位,例如會幫我整理下裙尾,提醒我哋飲水啊,會提我唔同時間要做啲咩,或者有邊啲需要幫手嘅地方,全程好takecare我哋,所有嘢都跟得好足,我覺得都幾貼心!
當晚食物方面我就跟足package入邊嘅菜式,親戚朋友普遍都話好食,食物質素都好好😋 成個過程都好順利同滿意,而且同事都好貼心,同佢哋相處得好愉快,先生都話好滿意,相處落完全冇任何 hard feeling,無論婚禮前定係婚禮後都服務都非常周到,Hotel Icon真係好值得我推介俾身邊朋友認識!!!❤️
場地係我哋其中一個好好嘅賣點!多謝你哋嘅讚賞同支持, 我哋會繼續努力!
最初我同太太都想擺超過三十圍枱,因為比較多圍數,所以我哋就向住呢個方向上網做research,主要想搵返場地空間比較大啲嘅酒店,但係其實選擇都唔多,咁啱就見到Hotel ICON場地嘅相好靚😍,再加上當時見到Hotel ICON嘅樓底相比酒店高,我會比較鐘意。我同太太都想搵返四四方方同埋無柱嘅場地,咁唔同賓客就可以喺唔同嘅位置都望到screen,咁啱Hotel ICON符合曬我哋嘅要求。由於當時都係旺季嚟嘅,所以我哋好快就直接決定揀Hotel ICON🥳。
一開始我哋係透過email聯繫佢哋,之後同佢哋同事約咗時間 face to face 傾返啲細節,同埋順便去睇一睇嗰場地。當時睇場地嗰陣,我都已經揀好package,簽好份contract !簽完之後,同事都好負責任,會一直keep住whatsapp followup進度,回覆得超快,甚至係假期,我message問問題,都會好快解答我。因為我哋嘅諗法一直變,佢哋同事都會一直配合住哋嘅要求,非常幫得手!👍🏻 本身我哋就冇揀同Hotel ICON合作嘅佈置公司,我哋自己就搵咗出邊嘅deco同MC,但係佢哋都唔會介意,仲會開返個whatsapp群組方便大家溝通,佢哋同事仲會直接對接曬deco同埋MC,連rundown都會幫我哋夾好先,再話返俾我知,基本上我都冇乜需要特別再搞,service真係好好!💯。
Big day當日,佢哋嘅經理都有同我哋先夾吓個rundown,都排得好smooth。其實嗰日,我哋都好忙,冇時間坐低食嘢,但係佢哋都會主動幫我哋打包食物,等我哋可以上房再食,呢點令我哋覺得好窩心!❤️ 而食物方面,所有賓客都feedback話覺得好好食,水準係冇得彈。而且當晚同事主動幫我哋打包啲食物,我哋返房就忙完之後再叮熱食,隔咗咁耐味道都依然好好味😋,令我好impressed 。仲有,當日incharge嘅經理service非常好,開席前就幫我哋安排曬啲酒,飲品話俾我哋知擺喺邊,仲會影低啲相俾我睇。到中段嘅時候, XO、烈酒就快冇曬,佢都好快注意到,會一直keep住update我,提醒我話淨返1-2支啦,非常專業!👍🏻
我太太都覺得Hotel ICON嘅service好好,好多細節位都照顧到,好有經驗。 當日酒店安排咗一位同事跟住太太,上台落台都會幫手整理裙擺,睇下太太有乜需要幫手,所有嘢都會跟得好足,影相嘅時候亦都會好快手幫我哋排好凳,好細心注意每一方面,唔會淨係企喺旁邊!整體我哋都好滿意,真係好多謝負責我哋嘅經理。因為原本擔心可能旺季,人手或者rundown方面都會有插曲,但係都冇特别嘅事情發生,而且經理當日啲指示都好清晰,親戚朋友都唔會confuse,成個婚禮都好順利!