![](/sites/default/files/styles/1280x590/public/2018-11/jamboree_0.jpg?itok=7UPxnCvE)
Jamboree Design & Production
最新評語
整體滿意度
Green
我證婚喺crown plaza,因為我覺得嗰塊草地真係好靚。於是我心裡面就想搵間decoration house一定要處理得好呢個草地場。嗰時我睇好多結婚雜誌,就俾我喺講全港十大佈置公司嘅報導裡面睇到有嘢啱我。我再上佢哋FB page睇就覺得喺要搵呢一間。
Jamboree Design佢哋公司唔多嘢,同埋好低調。我…
Jamboree Design佢哋公司唔多嘢,同埋好低調。我…
我證婚喺crown plaza,因為我覺得嗰塊草地真係好靚。於是我心裡面就想搵間decoration house一定要處理得好呢個草地場。嗰時我睇好多結婚雜誌,就俾我喺講全港十大佈置公司嘅報導裡面睇到有嘢啱我。我再上佢哋FB page睇就覺得喺要搵呢一間。
Jamboree Design佢哋公司唔多嘢,同埋好低調。我上去同佢哋傾嘢時,喺一個幾靚嘅鬼妹仔serve我哋,我覺得佢好有taste!佢同我哋傾完,就話知我哋喺想要獨特同型嘅外國feel。好快,佢就同我哋講幫我哋用Rustic feel wedding。我都係之後上網查先知即係莊園感覺。
之後,佢哋開始幫我哋設計LOGO,一下就俾3個Design我哋睇。一睇其實最鐘意第一個design,係一個”G”字(因為我同我老公英文名都係G字頭),不過問吓啲同事意見佢哋又覺得一人個字唔係咁好。於是我問佢哋可唔可以出多幾個design俾我,佢哋就出咗9個design俾我。最後就算我揀返一開始嗰個,佢哋都無怪我哋要佢哋出咁多design,仲話我哋good taste!
佢哋出draft同我哋俾錢都係分階段。佢哋嘅draft係出電腦3D圖,好似真咁,真係好勁,最重要係真係做到返呢個feel俾我哋。拱門同reception枱都好靚,各樣嘢都一步一步起貨。之後我又要做邀請咭,都係靠佢哋嘅connection去幫我介紹,張帖又係好靚,個個都話要用嚟收藏,不過就留返講帖嗰邊再comment啦!
我覺得俾4萬全部嘢都做得咁靚,真係好好,仲要連雲石水晶蛋糕都做到,仲要好靚,都只係$6000!以佢哋所俾嘅質素呢個價錢真係超值!
場地佈置
funglulau
本身我哋搵咗另外一間佈置公司,但係話我哋結婚當天冇期,話嗰日唔得。我太太本身都有個框想點做,所以就再搵吓邊間比較可以達到個要求,邊個可以做到類似嘅嘢。後來睇宣傳單張見到呢間,就去了解吓細節。不過其實第一次都冇咩點傾design嗰方面,佢都係話俾你知如果要做個咁嘅foam board要幾多錢,可能個台加大要幾多錢咁樣。當…
本身我哋搵咗另外一間佈置公司,但係話我哋結婚當天冇期,話嗰日唔得。我太太本身都有個框想點做,所以就再搵吓邊間比較可以達到個要求,邊個可以做到類似嘅嘢。後來睇宣傳單張見到呢間,就去了解吓細節。不過其實第一次都冇咩點傾design嗰方面,佢都係話俾你知如果要做個咁嘅foam board要幾多錢,可能個台加大要幾多錢咁樣。當日我哋大概知道個玩法之後就落咗千幾兩千蚊訂,之後先再傾。
到真係傾design嗰陣,因為我太太開頭已經話咗俾佢哋聽個框大概係點,佢哋都好快get到我哋嘅要求。之後,佢就先send張相俾我哋睇,模擬係喺天澄閣嗰度,個backdrop就係平面圖,睇到佢大概size,我哋個名係擺喺邊個位,大概知道個顏色出到嚟係點樣,十分清楚。
我太太想加盞好似街燈咁嘅佈置喺個foam board上面,不過因為盞燈突出嚟,令到場地本身個螢幕落唔到嚟。佢哋事先都有解釋過天澄閣仲有一個放得前D同比較細嘅螢幕可以用,知道呢個問題之後,decoration house主動聯絡天澄閣直接溝通就搞掂哂,完全唔使我哋操心。
最後製成品我覺得係okay,時間掌握方面亦唔錯。另外,佢幫我design咗個logo,係我同我太太個名,個logo我喺好多地方都用咗嘅,無論係帖又好﹑小禮物又好,連即日派相個cover我哋都有用到。
不過,佢報個價我哋覺得幾驚人,扣除個二千蚊訂金係要兩萬蚊。因為最初我哋唔明白佢嘅收費準則,後來佢哋解釋返原來有D嘢係可以cut,價錢就會平D。個foam board可能係逐米逐米咁計,我哋個台又大,又要闊又要高可能就貴咗。之後佢就幫我哋諗咗個正方形foam board,因為佢意思係可能影相都唔會影到去咁邊,唔需要做咁闊嘅,咁出到嚟都係好睇,我覺得okay。雖然比我想像中係貴咗,不過整體效果我哋都好滿意!
場地佈置
更多優質選項
最新優惠
聯絡商戶