我最初接觸到芳姐，係因為我嘅Wedding planner 介紹俾我，咁其實我都有上網做過research對比吓其他大妗姐，睇過關於芳姐嘅評語都覺得佢幾好🥰另外主要係我同芳姐傾電話陣，佢好有耐心解釋成個流程嘅細節，我哋有啲比較瑣碎嘅問題，佢都好專業一一解答，而且佢好親切同埋friendly，因為本身對好多傳統禮節都唔熟，就算我哋問咗好多問題，芳姐都唔會話啦啦聲解釋曬啲package💯 前期我哋係用電話傾返啲細節，我覺得佢係一位比較有交代嘅人，俾人感覺好安心，就開始用返WhatsApp嚟溝通😆喺成個過程入邊，芳姐好專業，好細心又好有經驗，因為自己都係第一次結婚，好多傳統禮節都唔熟，芳姐就會講解得好清楚，我哋都學到好多新嘢😂💯我哋最後就除咗安床之外，其餘都是揀咗芳姐一條龍嘅服務👍🏻

過大禮嗰日，芳姐係過大禮前，好多細節位，我哋都覺得佢好helpful 💯 例如話會主動幫手我哋准備好啲嘢，會同planner夾吓個流程時間，而且個日我就比較緊張，佢都好照顧我同屋企人，主動照顧我哋情緒方面，令到我哋輕鬆啲👍當日儀式，芳姐都好專業，一直提點我當日要準備啲乜嘢，要點樣做，可以handle到成個場面，每一個禮節都會好耐心咁講解俾我聽係乜意思，同埋個來由係乜嘢，點解要咁樣做，令所有人都了解到傳統禮節嘅知識🤩坦白講，芳姐嘅服務完全超出我嘅預期，好surprise，芳姐講啲吉利話，講得都好得體，仲要每一句吉利嘅詞都冇repeat過！😂令成個緊張氣氛輕鬆啲，愉快啲👏當日成個過程都好順利，大家都好enjoy，每一個屋企人都話佢好好，俾人感覺呢好莊重，個樣又好慈祥，對佢讚唔絕口，佢哋都同我一樣覺得有芳姐嘅安排，成個流程比較smooth，簡直錦上添花🌸 我仲好記得，嗰陣時我上頭嘅時間係夜晚11點，都好夜，就好擔心芳姐會唔會太攰，因為第二日晨早就要準備，但係就見到佢各方面精神都好好，好飽滿又唔會嫌覺得好晏😭而且有時新人要顧住屋企人嘅諗法，又要聽其他朋友嘅建議，真係唔知應該點算，好焦慮，佢私底下就話我知（聽日最重要就係你要開心，有乜唔開心要出聲），令我覺得好窩心，擔任埋長輩嘅角色🥰💯

而最令我印象深刻嘅係，嗰日last minute我唔記得帶褂入邊紅色嘅衫，佢都第一時間會幫我解決，幫我諗辦法，其實嗰時候已經差唔多凌晨1點，佢都搭車返佢公司幫我拎過嚟，佢真係幫到我好多💯最後成個儀式都好順利咁完成，芳姐真係好幫得手，必要嘅時候就可以救到場，又照顧住我嘅情緒同埋需要，幫輕咗我唔少。😬 當日完咗之後，好多朋友都同我攞佢嘅contact mark返低，話好鍾意芳姐，而且佢真係做咗好多extra service，好感激佢，佢簡直就係薛家燕2.0版本啊！！🌟🌟🌟🌟🌟

我搞婚禮嘅時候原本係想搵羅總監旗下嘅另一位大妗姐，因為我家姐之前結婚請過，但係咁啱已經冇檔期，所以佢哋就介紹芳姐俾我，我就直接落訂，因為屋企人都覺得佢哋service好好。我哋join咗芳姐出入門仲有晚宴嘅plan，而我哋主要透過WhatsApp聯絡，芳姐覆message覆得好快同好仔細解釋一啲關於婚禮籌備嘅嘢，好有耐心解答我嘅問題 。

出門當日屋企好多人，敬茶嗰陣芳姐都會講啲吉利說話，佢講吉利說話非常流暢，暖和咗當時緊張嘅氣氛，仲會一步一步指導我哋下一步要點做，有乜含義。當日芳姐表現得好熟手，好專業，整個出入門過程都好順利。當日晚宴，餐廳經理問我哋有冇請MC講兩句，其實我哋只係安排四五圍，自己屋企人簡單食飯，所以就冇請 MC，但芳姐好好，知道之後就幫我哋做埋MC，搞吓啲氣氛，提供埋extra service俾我哋，超級抵讚！

我覺得芳姐嘅工作態度真係十分認真，而且仲超犀利！因為自己好多傳統儀式都不太清楚，而芳姐嘅經驗好豐富，會喺每個步驟都解釋得好清楚，而且芳姐好有親和力，在場啲親戚都話，之後表弟表妹結婚一定要搵返芳姐幫手，我亦都會介紹俾身邊朋友認識呢位咁幫得手嘅大妗姐！