之前我仔嘅婚禮就揾過佢哋，當時我都覺得佢哋嘅服務好好，價錢都好合理，package都好清晰，所以今次就揾返佢哋。👍 今次嘅體驗都感受到佢哋嘅服務比以前更好，人手都多咗。咁我哋都冇去同其他公司比較，因為之前體驗過佢哋嘅服務，都絕對信得過佢哋嘅專業，所以就直接揀咗佢哋。😊

我女喺婚禮前半年已經揀好晒衫，當時嘅款式已經幾好，但是佢哋都主動話，後期仲會有新款式嘅衫，如果覺得啱我女嘅，都會留比我哋。🥰之後佢哋真係有影張相過嚟俾我哋睇新嘅款式，亦都將衫留低比我哋，唔會俾其他新人揀。而佢哋留嘅衫真係好靚，佢哋嘅眼光真係好專業。呢部分令我哋覺得好受重視。🥰 喺試裙掛嘅時候，佢哋都好用心，真心serve我哋。有啲好貴嘅裙掛佢哋都好願意比我哋試。☺️ 揀裙掛嗰陣有啲好珍貴，手工好罕見，好靚嘅裙掛佢哋都好大方，願意出租比我哋。同埋配曬啲首飾比我哋，連拖鞋都借埋比我哋，叫我哋唔使嘥錢，攞去用。❤️❤️ 佢哋都唔收我哋錢，但係我封返一個利是比佢哋，大家一齊開開心心。呢部分真係令我哋感覺好窩心，對我哋好似親人咁，好嘢都畀返我哋。

🥰 因為我女婿由外國回來，距離擺酒嘅時間只有6日，真係好趕。所以事前已經將女婿嘅size交俾佢哋。一到嘅時候，佢哋就準備咗一套完全啱我女婿身形嘅西裝，完全唔需要改，好啱身。佢哋嘅經驗同專業喺呢方面完全展現咗出嚟。👍🏻喺試衫嘅時候，佢哋亦都會同我哋分享，點樣著啲內飾，可以防走光，仲可以喺婚禮當日展現最好嘅身形。婚禮當日著出嚟嘅整體效果真係好靚。🤓我哋亦有同佢哋講，當日會穿著件婚紗去戶外影相，佢哋話唔好去沙灘浸鹹水，其他嘅佢哋會處理，可以睇得出佢哋都好信任我哋。❤️我覺得自己都算幸運，即係天時地利人和，整個婚禮都進行得好順利，好完美。👍同佢哋相處嘅整個過程都好愉快。租嘅婚紗、禮服都好滿意。👍我真係好極力推薦朋友去搵佢哋租禮服。佢哋真係好用心去serve我哋。❤️💯

我哋認識咗Fancy bridal 睇到佢哋嘅裙褂唔錯，同埋服務質素好好，啲職員好細心話畀我聽需要著啲乜嘢衫☺️，同埋覺得個價錢都好優惠。其實我哋都有睇過其他公司嘅，但佢地都好願意盡量配合我哋嘅時間，所以都有約Fancy bridal 佢哋studio。☺️我哋開咗個WhatsApp group，我哋通常有乜嘢需求都會喺個group講，之後去到studio就會預先攞返我哋想要嘅嘢畀我哋睇👍，我哋上到去都有2位同事，我哋要幫手嘅話都會好快幫到我哋手，喺studio入面都畀好大自由空間我哋揀衫，感覺好舒服。🥰

因為佢哋係一站式服務，有曬所有媽媽衫、中式衫，同埋婚紗、裙褂，所以我哋決定喺果度租咗全部需要著嘅衫🤩。婚紗嘅款式都好足夠畀我地揀，樣樣款式都有。因為我哋第一次結婚未著過婚紗，所以我都唔知咩身型著咩婚紗，佢哋職員都會好詳細介紹婚紗款式，同埋咩類型嘅婚紗要襯咩首飾，👍所以我哋都冇咩後顧之憂，都係聽佢地嘅專業意見。佢哋會先了解我哋嘅喜好，之後根據佢哋嘅眼光再揀多幾套畀我哋，☺️好快就搵到我想要嘅款式畀我。試衫嘅時候，都會有佢哋幫手。

佢地團隊有攝影師、化妝師果啲，我哋就算未必有Join佢哋其他service，但係佢哋都會好樂意畀好多意見，❤️例如結婚當日需要注意啲乜嘢，化妝師注意啲乜嘢，髮型需要點設計，影相角度需要點樣，等等。 🙈佢哋好深知我係一個怕麻煩嘅人，所以我揀咗幾件衫，佢哋已經知道我係乜嘢風格嘅人，包括我屋企人都係。💯

佢哋真係對我哋好好，有乜嘢問題一打過去，佢哋都會即刻幫我哋處理，👍所以整件事都好smooth。如果有親戚朋友結婚，我哋都會介紹畀親戚朋友，同埋價錢都真係好好。整體服務，我哋覺得好開心😃！