我朋友之前用過Vicky嘅化妝服務，當時睇到Vicky化嘅妝容全部都好自然，技術好好。之後我都有睇過網上Vicky嘅comment，見到佢哋評價唔錯😊，而且佢化嘅眼妝真係非常吸引我，我覺得係一個好強嘅賣點！ 再加上有朋友用過佢嘅服務覺得好好，而Vicky又好nice，所以我對佢都比較有信心。我就用WhatsApp同佢聯絡，喺同Vicky溝通過程中，我話佢知我本身雙眼皮係唔balance嘅，同埋我對自己眼眉唔係好滿意，Vicky就好細心，話試妝嗰陣會幫我調整🤩。

試妝嘅時候，Vicky問我想要咩妝容，有事先了解好我有邊啲地方想比較注重或者想highlight嘅部分。我同佢都好啱傾，對於我眼眉同埋雙眼皮嘅問題，佢亦都俾咗好多唔同意見。化完之後，我覺得眼妝同陰影都化得好好，基本上睇唔出有調整過，非常自然，最後出到嚟嘅效果我都好滿意嘅，所以試完妝之後就揀咗佢！💝除咗化妝，package都有包括埋set髮型，Vicky就搵好多reference俾我睇，仲會問返我big day當日有幾套衫，因為佢會諗髮型配返，基本上我都冇意見，只係髮型方面我就要求綁同心結，其他都可以直接交俾佢話事，我相信他好有經驗😘。Big day前一晚，Vicky仲好貼心，提醒我夜晚唔好飲太多水，第二日眼就唔會有水腫嘅情況，會比較容易上妝。

Big day當日我約咗Vicky6點半，佢都好早到，我自己都未起身，佢已經 get ready好👍🏻。 當日佢將時間控制得好好，化得好快手，貼雙眼皮嘅時候基本上佢貼一兩次就知道準確位置，貼完後佢會再用眼睫毛幫我托返個眼皮，再畫眼線，仲會關心問我眼睫毛貼完有冇唔舒服，將我所有缺點全部遮得好好，highlight我嘅優點，非常專業💯。 當日頭髮都set得好好，佢綁嘅同心結大細都一樣，比例好好，唔會一高一低，而且當日頭髮基本上係冇鬆散過，頭髮紥得好穩🥳！Vicky全程跟身幫我補妝，整理髮型，跟得好足。 我哋出外景，Vicky都有一起，當時候我條裙比較蓬，雖然唔係好長，冇拖地，但係佢都二話不說跪低幫我拎條裙上嚟跟住我尾行。講真，我個陣覺得好感動，佢做咗一啲化妝師以外嘅Service，而且同佢相處真係好舒服！Vicky化到我唔使P圖都已經好靚，現實睇成個妝容係好貼服，親戚朋友都話我髮型同妝容都好靚 ，個個都係咁讚！🤣

我上網搵到Vickycmakeup，都有去睇過其他新娘化妝師，但係揀咗Vicky係因為新娘綁頭髮嘅style好靚吸引我❤️，comment又好positive。我哋用whatsapp溝通，溝通完之後就去試妝。Vicky好nice，同佢相處都好舒服，我問佢問題都會覆我，又都畀咗好多意見我👍🏻。Vicky會問我鐘意點嘅妝容，但係我自己就比較主見。我喺網上睇返佢以前畫過嘅妝同埋整過嘅頭髮畀佢參考，同佢講我想要嘅妝容同髮型，最後佢都配合到我😘。

Big day當日我約咗Vicky6點鐘，但係佢提早一個鐘嚟到現場👍🏻。佢嘅團隊幫我嘅姊妹化妝，Vicky就主要係幫我、新郎、爸爸同媽媽化妝。我好滿意Vicky嘅化妝，特別係底妝，因為真係好貼，好細緻，佢整嘅髮型我就最鍾意，真係好靚。Vicky婚禮之前會建議我敷下mask，咁到時妝就會比較易上，佢真係好暖心😍。 我最深刻嘅事係佢會時時刻刻幫我睇妝，同時都會幫我嘅頭髮噴啲spary，keep住照顧我，做事又細心。我先生同埋爸爸媽媽都好滿意我嘅妝容，大讚好靚！