我係網上面搵到Vicky C Makeup，到有睇佢嘅作品，而同心結嗰發型係佢嘅賣點，因為我想著裙褂襯同心結呢個髮型。🥰 之後有揾Vicky試妝，佢做嘢嘅風格係非常果斷，好專業，都會直接point out嘅問題需要改善，例如護膚上會建議我清理乾淨，令我嘅妝更貼服。👍溝通方面都好友善，俾咗好多有用嘅意見，好似有啲自己冇留意到嘅，Vicky都會提醒好似我。例如啲姊妹妝，奶奶，外母妝，結婚上要注意嘅事都好細節同細心，佢喺化妝方面都好細心。🥰 Vicky會由溝通上了解我嘅喜好嚟幫我化妝同set造型，例如會幫我整鐘意嘅同心結，蝴蝶結，馬尾嘅髮型，而我最滿意最鐘意嘅就係同心結，😍都有啲親朋戚友讚我嘅同心結髮型同妝整得好靚。👍

其實我哋預證婚時間係11:30，律師誤以為我哋係10:30證婚，所以所有嘢都早咗開始。🙈咁我需要由裙褂妝轉去結婚妝，而且仲喺需要喺超短時間內轉妝，Vicky都好冷靜同好快手快腳幫我搞掂咗👍 令我哋順利咁喺10:30之前可以喺親人面前證婚。因為突然改變令到我好驚，但佢當時都會安慰我，令我安心咗唔少，而且出來嘅妝容完全唔會敷衍，佢亦唔會因時間倉促而無法完成。☺️ 所有流程配合得好好，做嘢唔會亂。 我哋好滿意同埋絕對會介紹俾其他朋友。🥰

朋友用過Vicky所以就介紹咗佢比我， 之後試完妝覺得幾好就揀咗Vicky💖。我覺得佢嘅風格比較簡單同自然，偏小清新咁樣，比較啱我心水😝。 我覺得佢係一個好有要求嘅化妝師，亦都好細心同nice，佢都會同我溝通下我嘅要求🤪。大家相處上都唔會拘謹同緊張😋。

結婚嗰日Vicky都有全日跟着我。我覺得眼妝最滿意💯，因為我好眼淺，但成日落嚟個妝都冇甩得好勁，雙眼皮貼同眼睫毛都冇甩，Vicky有自己嘅特別方法去痴👍，好實淨先有好自然，又唔會翹邊，就算係夜晚落妝我都要一段時間落。底妝都唔會假白，好自然🌟。屋企人同朋友都話我個妝好好睇， 我自己都好滿意！

髮型方面都好滿意，頭髮紥得唔會太鬆散，Vicky事前都有同我討論過想要邊一種髮型🥰。 之後傾吓計先發現原來好多朋友都搵佢學化妝❣️。 我都會繼續介紹Vicky俾我啲朋友， 佢細心得嚟，化妝嘅技術都好好， 而且同佢相處得都好開心💗。