嗰陣搵緊證婚律師，就見到Simon咁啱available，就冇特别再去搵其他證婚律師。☺️Simon都好盡責，會主動聯絡我，再開個group俾我同太太方便溝通。👍 喺溝通嘅過程中，法律上嘅細節都講解得好清楚，我相信大部分新人都冇經驗唔知要准備啲乜，Simon亦都會講解成個流程俾我哋知，令我哋清楚了解到需要準備嘅文件，服務態度好好。👍 Simon喺處理文件方面非常專業，會doublecheck多幾次，每份文件入邊嘅資料，再提醒我哋都要核對身分證，每份文件佢亦都會send返俾我back up，雙重保障。其實講真，新人最驚就係資料唔齊全或者資料唔啱，呢方面佢做得好好，冇任何錯漏。👍

有一件事我非常記得，仲好有印象，當時其實Simon有提前通知我哋話需要自己準備結婚誓詞，咁我就用普通A4紙嚟寫低啦，Simon見到之後，立刻從佢嘅公事包入邊攞一本已經有保護套包裝好嘅結婚誓詞書俾我，佢就話用呢個啦影相抑或其他朋友睇到都會靚啲，而且入邊都已經有準備好誓詞，佢真係做咗好多準備功夫，會考慮到好多細節位，睇得出佢證婚經驗非常豐富。🤓 我其實就有好多做律師行業嘅朋友，但係我同我太太都一致認為以法律界嘅律師嚟講，Simon 嘅衣着抑或談吐，儀容方面都非常smart，俾人一種好proferssional嘅感覺！

🥰證婚嘅成個過程都好順利，當日嘅氣氛方面都好輕鬆好歡樂，同Simon相處落都覺得佢好有親和力，無論我哋問幾多問題，佢都會好耐心解釋，唔會令我哋緊張抑或覺得尷尬，佢亦都會俾我哋好多advise。❤️我同太太亦都好多謝Simon嘅幫忙，令我哋咁順利完成成個儀式，如果有朋友結婚，我一定會推介Simon，佢真係超幫得手，令人可以好放心交俾佢。👍