（聯邦郵輪宴會中心） 聯邦郵輪碼頭其實場地都好靚，但地點就真係有啲遠，唔係咁方便。雖然有shuttle bus，但限住幾分鐘先有一班，對於賓客出入唔係咁方便。我又喺星期三晚擺酒，有啲賓客第二日要返工都等唔切shuttle，要自己搵的士走。 其實地點呢個問題都算係我哋揀場地時嘅少少考慮不周。因為初時知道酒席同化妝師要快啲搵，所以搵酒席時都無考慮到咁周詳就落訂。另一方面就係佢哋嘅場地只係包一塊白色backdrop，會送名牌同love嘅牌，但睇落都好plain。我都諗住自己出去搵其他公司幫手做backdrop，不過因為嗰度個台好大，如果要做要加好多錢，所以最後就做咗個Second backdrop。但其實好多親戚一齊影時，因為個佈景主要都係白色，所以影出黎唔係太睇到，如果個佈景有多啲其他顏色揀就比較好。不過除咗以上問題，整體黎講場地都靚同食物都係好，親戚comment都覺得啲食物係比想像中好食同大碟。