佈置上面我覺得DeArt都幾好架，因為佢都好符合我想要嘅野。我上網見到佢好多主題，好多公仔，咁我覺得好得意嘅，佢地會因應客人個要求而去佈置一D公仔咁樣。最後我無用到公仔，係揀左一個普通布藝佈置，都係好靚，價錢又相宜👍🏽態度都ok架佢地，因為佢地就係分段俾錢咁樣，大家傾好一步一步，傾好先俾個訂金，就唔會一下就叫你要交哂D錢咁樣😁傾好哂，佢做好哂個圖就會send俾我睇，跟住我先再交第二期錢嘅。同埋佢係whatsapp都跟得好足，中間有時要佢改下個design，基本上佢地一兩日就可以send返俾我，真係好快手! 另外佢彈性都係好高，一開頭佢就係最低嘅價錢，如果之後你有咩額外需要呀或者中途想要轉，佢就會因應你個要求再調整個價錢，但你講得出嘅野，佢都可以配合到。最後出到黎完全係我所期望要嘅野呀！ 😍佢地big day當日好早到，我都無點樣催促佢地，但係佢地好快已經佈置好哂個場地俾我。到夜晚，我臨走都係佢地係到執野，都無其他額外嘅收費。我覺得佢地都幾準時，唔使點樣提呀，佢地所有野都係自動自覺呀，唔需要點樣去跟佢地，令我都覺得好放心嘅👍🏽