The clover佢哋係一位做鑽石嘅朋友介紹俾我😁，其實當初我搵佢哋嘅時候唔係for wedding，本身諗住係求婚嗰時用，但係疫情關係最後無喺出面求婚，所以就留返結婚當日用😉。

我哋係5月20日結婚，當時疫情都仲幾嚴重，所以我哋無約冇見面，但都會係電話度有傾過一兩次👍，連埋我哋嘅攝影師團隊都有傾吓😏。佢成個流程唱咩歌都有俾個list我，我自己都可以再加啲歌上去😁。有啲歌佢哋一收到嗰陣時佢話唔識，但係都好樂意去聽吓😍，搵啲譜練下，唔會話唔識就唔做💯。

當晚我哋party係7點開始，佢哋team有3個人，一個主音，一個keyboard同一個鼓手。原本主要係佢哋唱，中間我加咗啲歌係自己唱嘅，諗住到時搞下氣氛，但唱唱下變咗我自己唱咗好多😆我唱唱下，除咗我之外，都有啲朋友會衝上嚟一齊唱🤣，有朋友話想唱邊首歌，佢哋都會好即時上網搵譜去彈，好願意配合，大家都玩得好開心❤️！我覺得佢配合到ad hoc嘢呢點好值得一讚💯。